დეველოპერებო, მოემზადეთ გამძაფრებული კონკურენციისთვის

უძრავი ქონების ინდუსტრია, ბოლო პერიოდში, ერთ-ერთი ყველაზე მომხიბვლელი საინვესტიციო მიმართულებაა საქართველოში -  მომგებიანობის მარჟა მაღალია და უკუგება ინვესტიციაზე მართლაც რომ შთამბეჭდავი. 2013 წელს, 2012 წელთან შედარებით მოთხოვნა 15%-ით , ხოლო იპოთეკური სესხების გაცემა 47%-ით გაიზარდა. სამშენებლო სექტორი გააქტიურებულია და მიწოდების მასშტაბი - გაზრდილი, ბოლო პერიოდში.  თუმცა ექსპერტების აზრით, მოთხოვნა ჯერ კიდევ საგრძნობლად უსწრებს მიწოდებას; ყველა ეს პირობა  განაპირობებს ბაზარზე ახალი შემომსველების  ინტერესის ზრდას.  სწორედ ამის გათვალისწინებით, შეიძლება ვივარაუდოთ, რომ 2-5 წელიწადში ბაზარი საგრძნობლად გაჯერდება და კონკურენტები „price war”-ს გააჩაღებენ. ამ დაუნდობელ ომში  კი მხოლოდ ის კომპანიები გადარჩებიან, რომლებიც შეძლებენ ა. ამ მასშტაბის ეკონომიურობის ფონზე ფასით ლიდერობას და მასობრივი პროდუქციის წარმოებას, ან ბ. მოასწრებენ და შექმნიან ბრენდს - განსხვავებული და ინდივიდუალური მიდგომებით.

ზოგადად, ეს დარგი სპეციფიურობით გამოირჩევა, არის ლოკალური და გეოგრაფიული ბაზრის გაფართოვების შემთხვევაში მულტიეროვნული სტრატეგიით ხელმძღვანელობს. ამ სტრატეგიის მთავარი პრინციპი მდგომარეობს შემდეგში: “რომელ ქვეყნაშიც შედიხარ იქაური ქუდი უნდა დაიხურო“, ანუ მაქსიმალურად გაითვალისწინო არსებული სოციალურ-კულტურული მახასიათებლები და შეეცადო  მოერგო ადგილობრივ მომხმარებელს - ეს პრინციპი ლოკალური მეტოქეებისთვისაც უცვლელი რჩება.

 2014 წლის აგვისტო-სექტემბერში ჩავატარეთ კვლევა უძრავი ქონების  სამომხარებლო პრეფერენციების გამოსავლენად. ეს კვლევა ითვალისწინებდა მომხმარებლის გემოვნების და სამომავლო ინტერსების დადგენას. გამოკითხულთა 77% 25-35 წლამდე ასაკობრივ ზღვარში ხვდება. ეს  სწორედ ის კატეგორიაა, რომლის ინტერესების გათვალისწინებითაც  უნდა დაგეგმონ დეველოპერებმა საკუთარი გრძელვადიანი გეგმები.

კვლევის შედეგად დადგინდა, რომ  გამოკითხულთა 39% ცხოვრებას ისურვებდა ქალაქის ცენტრში, 34% - ქალაქგარეთ და 27% - ქალაქის გარეუბანში შედარებით მშვიდ და ნაკლებად ხმაურიან ადგილას.  ასევე მნიშვნელოვანია, რომ გამოკითხულთა 40% უპირატესობას ანიჭებს 4-6 სართულიან კორპუსებს, 36%  კი - უფრო დაბალ სართულიან სახლებს. სულ უფრო ნაკლებად მიმზიდველი ხდება მაღალსართულიანი საცხოვრებელი სახლები. გამოკითხულთა 70% ისურვებდა საკუთარი საპარკინგე ადგილის ქონას და ამაში დაახლოებით 8000-10000 აშშ დოლარამდე გადაიხდიდნენ. მნიშვნელოვანია, ბინასთან ერთად მომხარებლებს დეველოპერებმა შეთავაზონ იზოლირებული სათავსო. გამოკითხულთა 78% ამ მახასიათებელს დიდ მნიშვნელობას ანიჭებს. ასევე სულ უფრო მოთხოვნადია თეთრი კარკასით ჩაბარების პირობით ბინების შეთავაზება. რაც შეეხება გადახდის პირობებს: გამოკითხულთა 79%  ისურვებდა უპროცენტო შიდა განვადების არსებობას; ამავდროულად იპოთეკური სესხით დაფინანსების  ხელსაყრელი და მრავალფეროვანი შეთავაზება გამოკითხულთა 66%–სთვის  არის გადამწყვეტი. ეს სწორედ ის კატეგორიაა, რომელიც ნებისმიერ შემთხვევაში გამოიყენებს  იპოთეკური სესხით დაფინანსების შესაძლებლობას. ამიტომ ძალიან მნიშვნელოვანია, დეველოპერებმა დასაწყისშივე შეარჩიონ ბანკები, რომელიც სესხზე სპეციალურ შეთავაზებას  გაუკეთებენ მათ კლიენტებს. მითუმეტეს თუ გავითვალისწინებთ ფინანსური ინსტიტუტების  სამშენებლო ბიზნესში განხორციელებულ დივერსიფიკაციას, რის საშუალებითაც ბანკებმა გარანტირებული იპოთეკური სესხების პორტფელი შექმნეს და იაპონური „კეირათსუს“ პრინციპებით ოპერირების პირველი გამოცდილება დანერგეს ქართულ ბაზარზე.  ეს კონკურენტული უპირატესობა სხვა ინდუსტრიიდან დივერსიფიცირებულ კომპანიებს მეტად ურთულებს საქმეს, ახალი მოთამაშეებისთვის კი საგრძნობლად ამაღლებს შესვლის ბარიერებს. მოსალოდნელი მაღალი კაპიტალდაბანდების და ფასისმიერი ომის თავიდან აცილების მიზნით სასიცოცხლოდ მნიშვნელოვანია, მომხარებლები მათი გემოვნებისა და მოლოდინების მიხედვით  დავაჯგუფოთ და შეთავაზებებიც მთლიანად მათზე მორგებული გავხადოთ.

ასე რომ დეველოპერებო, მოემზადეთ გამძაფრებული კონკურენციისთვის. გაითვალისწინეთ ქართველი მომხარებლის მრავალფეროვანი და განსხვავებული დამოკიდებულებები. მოუსმინეთ მათ და ისე დაგეგმეთ თქვენი ნიშური მარკეტინგი. წინასწარ განსაზღვრეთ საკუთარი პოზიციონირება და გაალამზეთ თბილისი განსხვავებული და მომხარებლეზე ორიენტირებული შეთავაზებებით. 

წინა სტატია

მითები და რიტუალები ბიზნესში
25 სექტემბერი, 2014

შემდეგი სტატია

დი მეინ ფრაიორითი ოფ ჯორჯია
02 ოქტომბერი, 2014
საცხოვრებელი კომპლექსი, რომელმაც დროს გაუსწრო
მენეჯერები | აპრ, 16, 2018
ყველაზე რეიტინგული სასტუმროები საქართველოში
რეიტინგი | აპრ, 17, 2018
ყველაზე მოგებიანი სადაზღვევო კომპანიები საქართველოში
ახალი ამბები ქართულად | მარ, 26, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა