ნოემბერში ფულადი გზავნილები 18.3 პროცენტით შემცირდა

საზღვარგარეთ დასაქმებულთა მიერ საქართველოში გადმორიცხული თანხები კლებას განაგრძობს. 2015 წლის ნოემბერში წინა წლის ნოემბერთან შედარებით ფულადი გზავნილები 19 მლნ დოლარით (18.3%-ით) შემცირდა. 2013 წლის ნოემბერთან შედარებით კი 39 მლნ დოლარით არის შემცირებული. იანვარ-ნოემბერში კი წინა წლის ანალოგიურ პერიოდთან შედარებით ჯამში 347 მლნ დოლარით (26%-ით) შემცირდა.

საზღვარგარეთ დასაქმებულთა ფულადი გზავნილების კლება ძირითადად რუსეთიდან გადმორიცხვების შემცირებამ განაპირობა. მიმდინარე წლის ნოემბერში წინა წლის ნოემბერთან შედარებით, რუსეთიდან ჩამორიცხვები 12.4 მლნ დოლარით (27%-ით) შემცირდა. გზავნილების შემცირების მიხედვით მეორე ადგილზეა საბერძნეთი. ნოემბერში საბერძნეთიდან გზავნილები 6.2 მლნ დოლარით (42%-ით) შემცირდა. 1.3 მლნ დოლარით (18%-ით) გაიზარდა გზავნილები აშშ-დან.

ფულადმა გზავნილებმა შემცირება გასული წლის ოქტომბრიდან დაიწყო და ლარის გაუფასურების ერთ-ერთი მიზეზი გახდა. ბოლო 13 თვეში გზავნილები 405 მლნ დოლარით არის შემცირებული.

წინა სტატია

შეუზღუდავი პასუხისმგებლობა შეზღუდული პასუხისმგებლობის საზოგადოებაში
15 დეკემბერი, 2015

შემდეგი სტატია

ნოემბერში სამრეწველო პროდუქციის წარმოება გაიაფდა
16 დეკემბერი, 2015
ხარისხის ამბასადორი
ინტერვიუ | აგვ, 29, 2018
Forbes Georgia: 30 Under 30 - მეცნიერება და განათლება
რეიტინგი | სექ, 03, 2018
Forbes Georgia: 30 Under 30 - ანტრეპრენიორი
რეიტინგი | სექ, 05, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა