რეფინანსირების განაკვეთი 8 პროცენტამდე გაიზარდა

საქართველოს ეროვნულმა ბანკმა რეფინანსირების განაკვეთი (მონეტარული პოლიტიკის განაკვეთი) 0.5% პუნქტით გაზარდა და ახალმა საპროცენტო განაკვეთმა 8.0% შეადგინა. ეს ნიშნავს, რომ მოსახლოების იმ ნაწილს, რომელსაც რეფინანსირების განაკვეთზე მიბმული სესხი აქვს, სესხის მომსახურების საფასური 0.5%-ით გაუძვირდა.

რეფინანსირების განაკვეთი 8% ბოლოს 2011 წლის ივნისში იყო. საპროცენტო განაკვეთის ზრდის მთავარი მიზეზი მაღალი ინფლაციაა (საქონლისა და მომსახურების გაძვირება). ნოემბრის ბოლოს ინფლაციის მაჩვენებელმა 6.3%-ს მიაღწია, როდესაც ეროვნული ბანკის მიზნობრივი მაჩვენებელი 5%-ია. ინფლაციის ზრდა კი გამოიწვია ლარის გაცვლითი კურსის გაუფასურებით განპირობებული წარმოების შუალედური ხარჯების გაძვირებამ და ცალკეულ იმპორტირებულ საქონელზე ფასების ზრდამ. ინფლაციის მაჩვენებელზე ასევე მნიშვნელოვანი გავლენა ჰქონდა ელექტროენერგიის გადასახადის ერთჯერად მატებას.

ეროვნული ბანკის მონეტარული პოლიტიკის კომიტეტის შემდეგი სხდომა 2016 წლის 3 თებერვალი გაიმართება, სადაც კვლავ განიხილავენ რეფინანსირების განაკვეთის ცვლილების საკითხს.

წინა სტატია

რომელ ქვეყნებში ცხოვრობს ყველაზე მეტი მილიარდერი
16 დეკემბერი, 2015

შემდეგი სტატია

აღმასრულებელი დირექტორი ცვლის წესებს და აშენებს იმპერიას
17 დეკემბერი, 2015
QNET’s vision
ინტერვიუ | ოქტ, 02, 2018
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
Nexia TA - ერთადერთი აუდიტორული კომპანია საქართველოდან, რომელმაც IAB-ის ცერემონიაზე ჯილდო მოიპოვა
საქართველო | ოქტ, 08, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა