ნოემბერში ლარში გაცემულ სესხებზე საპროცენტო განაკვეთმა 21 პროცენტს მიაღწია

მიმდინარე წლის ნოემბერში ლარში გაცემულ სესხებზე საშუალო წლიური საპროცენტო განაკვეთი 1.2% პუნქტით გაიზარდა და 21.1% შეადგინა. დოლარში გაცემულ სესხებზე განაკვეთი 0.2% პუნქტით გაიზარდა და 10.4%-ს გაუტოლდა.

გასულ თვეში საქართველოს კომერციული ბანკების მიერ გაცემული სესხების მოცულობა 7 მლნ ლარით გაიზარდა. ლარში გაცემული სესხები 76 მლნ ლარით შემცირდა, ხოლო უცხოურ ვალუტაში გაცემული სესხები 83 მლნ ლარით გაიზარდა. საერთო სესხებში უცხოურ ვალუტაში გაცემული სესხების წილი 64.8%-ზე დაფიქსირდა. 2015 წლის იანვარ-ნოემბერში ლარში გაცემული სესხების მოცულობა ჯამში 476 მლნ ლარით, ხოლო უცხოურ ვალუტაში გაცემული სესხები 2 343 მლნ ლარით გაიზარდა. თუმცა, უცხოურ ვალუტაში გაცემული სესხების ზრდა ძირითადად ლარის კურსის გაუფასურებითაა გამოწვეული, თუ დოლარში დავიანგარიშებთ, უცხოურ ვალუტაში გაცემული სესხები მხოლოდ 55 მლნ დოლარით არის გაზრდილი.

ვადაგადაცილებული სესხების მოცულობა 37.3 მლნ ლარით შემცირდა და 356 მლნ ლარს მიაღწია. მთლიანი საკრედიტო პორტფელის მიმართ ვადაგადაცილებული სესხების მოცულობა 2.2%-ია, რაც საგანგაშო მაჩვენებელი არ არის. გასულ წლებში აღნიშნული მაჩვენებელი ბევრჯერ ყოფილა 2.2%-ზე მეტი.

წინა სტატია

თავისუფლების ცეცხლზე დასხმული ნავთი
29 დეკემბერი, 2015

შემდეგი სტატია

ნოემბერში ლარში განთავსებული დეპოზიტები 51 მილიონით გაიზარდა
29 დეკემბერი, 2015
საქართველოს 100 უმსხვილესი კომპანია
რეიტინგი | აპრ, 15, 2019
ქართული ბიზნესი ნოტრ-დამის აღდგენაში გეგმავს მონაწილეობას
ახალი ამბები ქართულად | აპრ, 16, 2019
კრედო ბანკსა და ნიდერლანდების განვითარების ბანკს შორის სასესხო ხელშეკრულება გაფორმდა
ახალი ამბები ქართულად | აპრ, 06, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა