მეწარმეებო ყველა ქვეყნისა, გაერთიანდით!

ჩემთვის დიდი პატივია ვიყო Forbes.com- ახალი ავტორი! როდესაც Forbes-ის რედაქტორთან, რანდალ ლეინთან, ერთად Forbes.com-სათვის დაწერილ ჩემს სტატიას განვიხილავდით, მან მითხრა: „შენ ყველაფერი უნდა იცოდე იმის შესახებ, რაზეც წერ". და მეც ზუსტად ამის გაკეთებას შევეცდები. ჩემი გამოცდილებიდან გამომდინარე, კონცენტრირებული ვარ Forbes-ის მსოფლიო მასშტაბით გაფართოებაზე. მოგზაურობების დროს შევხვდი ძალიან საინტერესო ადამიანებს მეწარმეებს, პოლიტიკოსებს და ბიზნესმენებს. მინდა გაგიზიაროთ ჩემი მოსაზრებები, რათა შემოგთავაზოთ განსხვავებული/საპირისპირო ხედვა. ცოტა ხნის წინ კიევში გახლდით, რათა წარმედგენა ვებ-გვერდი Forbes Ukraine, რომელიც ჩვენი ნაბეჭდი ჟურნალის გამოცემას მოჰყვა. ჩვენ გადავწყვიტეთ გვერდის პრეზენტაცია მომხდარიყო World News-ის 64-ე კონგრესისა და რედაქტორთა მე-16 საერთაშორისო ფორუმის მიმდინარეობის დროს. აი, რაც მე იქ ვთქვი:

ჩემი განხილვის თემაა მედია და ეკონომიკა.

მათი კავშირი ძალიან მჭიდროა ბიზნეს-საკითხების მიმოხილვა ისეთივე მნიშვნელოვანი გახდა, როგორც ახალი ამბებისა და მიმდინარე მოვლენების გაშუქება.

ვისაც ეკონომიკა აინტერესბს, ის ყოველდღიურად პირველ რიგში უსმენს, უყურებს და კითულობს ბიზნესის სიახლეებს!
დღეს მედია დიდ რყევებს განიცდის. ტექნოლოგიებმა და სარეკლამო ხარჯების შემცირებამ ძალიან რთული ვითარება შექმნა; მაგრამ მე დაგიმტკიცებთ, რომ ეს გამომგონებლობის, გონივრული ოპტიმიზმისა და პრობლემებთან შეუპოვარი ბრძოლის დროა.
მედიაში უკვე მოხდა ძალიან საჭირო პოზიტიური ცვლილება: შეიქმნა მეწარმე-ჟურნალისტების ფენა.

მეწარმე-ჟურნალისტები საკუთარ ბედს თავად განკარგავენ თავიანთი ვებ-გვერდების, ბლოგებისა და Twitter-მიმდევრების დახმარებით.

Forbes-მა ეს მიდგომა აირჩია და განაახლა Forbes.com-ი, რათა ის იყოს უფრო მეტი, ვიდრე ჩვეულებრივი ვერ-გვერდი დღეს ეს საგამომცემლო პლატფორმაა. გარდა შტატის ჟურნალისტებისა, ჩვენ ვთანამშრომლობთ დაახლოებით 1 000 ავტორთან და ვთავაზობთ მათ ინსტრუმენტებს, რათა გამოაქვეყნონ შესაბამისი მასალა საკუთარი სახელისა და ბრენდის ქვეშ, მოიძიონ ერთგული მიმდევრები და უფრო გააქტიურდნენ მიზნის მიღწევის გზაზე. ჩვენ ვავრცელებთ მათ მასალას და ვუხდით მათ არა გვერდის ნახვის, არამედ განმეორებითი ვიზიტიების რაოდენობის მიხედვით. რაც უფრო მეტია განმეორებით ვიზიტიორთა რაოდენობა, მით უფრო ადვილია კონტრიბიუტორის განვითარება.

იმ წარმატების შედეგად, რაც სოციალური მედიის სათავეში ავტორიტეტული ჟურნალისტების ჩაყენებამ მოგვიტანა, ჩვენი უნიკალური ვიზიტორების ყოველთვიური რაოდენობა წელს 31 მილიონამდე გაიზარდა, შარშანდელ 14 მილიონთან შედარებით. ა. წ. პირველ ნახევარში ციფრული გამომცებლობიდან მიღებული შემოსავალი 26%-ით გაიზარდა.

ჩვენ გახლავართ 95 წლის მედიაბიზნესი, რომელსაც ბოლო ხუთი წლის განმავლობაში უფრო მეტის შეცვლა მოუწია, ვიდრე წინა 90 წელიწადში. დღეს ჩვენ ვმუშაობთ როგორც სტარტაპი და ეს გვაძლევს საშუალებას ვიყოთ მოქნილი, ტენდენციის დამამკვიდრებელი და ტრანსფორმაციული მაშინ, როდესაც სამომხმარებლო სფეროს მოდელი რადიკალურად იცვლება.
ეს მხოლოდ პატარა მაგალითია იმ ცვლილებისა, რომელიც ახლა მიმდინარეობს და რომელიც, იმედია, შექმნის უფრო ეფექტიან ბაზარს არა მხოლოდ მედიაში, არამედ მთელ კომერციულ სფეროში.

მიმდინარე ეკონომიკურ კრიზისთან გამკლავება ჩვენ ლიდერობაზე აქცენტირებით შევძელით. მეწარმე შეძლებს დაგვიბრუნოს კეთილდღეობა და აგვიყვანოს ცივილიზაციის ახალ საფეხურზე, თუ მას ამის საშუალებას მივცემთ. მე არ ვსაუბრობ მსხვილ ბიზნესზე, უოლ-სტრიტზე, ცენტრალურ ბანკებზე, ევროკავშირზე ან პოლიტიკოსებზე .
ეს არ არის ეკონომიკის წინსვლის შეფერხება. ეს მისი განვითარების გზაა. მცირე მეწარმეს სხვაზე მეტად შეუძლია ჩვენი მდგომარეობის გაუმჯობესება. მსოფლიო ეკონომიკის ზრდა დამოკიდებულია ხელშემწყობი გარემოს შექმნაზე იმ ახალი წარმატებული კომპანიებისათვის, რომლებიც დიდ სოციალურ სარგებელს მოიტანენ.

მაგალითად, აშშ-ში, კაუფმანის ფონდის მიხედვით, სტარტაპები ისტორიულად დასაქმების გრძელვადიანი ზრდის კატალიზატორები იყო. თუმცა ბოლო რამდენიმე წლის განმავლობაში გახსნილი ბიზნესები წინამორბედებთან შედარებით პატარაა, არ ფართოვდება და უფრო ნაკლებ ადამიანს ასაქმებს. ჩვენ ვერ გადავწყვეტთ აშშ-ს უმუშევრობის პრობლემას, სანამ ახალი ბიზნეს-წამოწყებები იმ ძველ გზას არ დაუბრუნდება. ჩვენ უნდა გამოვძებნოთ საშუალება მეტი დამსაქმებელი ბიზნესის ჩამოსაყალიბებლად და იმის უზრუნველსაყოფად, რომ ეს ბიზნესები იქნება უფრო მასშტაბური და გააგრძელებს ზრდა-განვითარებას.

ჩვენ გვჭირდება სტივ ჯობსის მსგავსი მეწარმეები, რომლებიც შემოიტანენ ინოვაციას, გარისკავენ, გაარღვევენ ბაზარს და შექმნიან ღირებულებას აქციონერებისათვის. 1997 წელს სტივ ჯობსმა Apple-ის სარეკლამო კამპანია Think Different ("იფიქრე განსხვავებულად") ასე წარმოადგინა:ისინი შეშლილი, უიღბლო, მეამბოხე, დაუმორჩილებელი ადამიანები არიან, რომლებიც კვადრატულ ჭრილებში მრგვალ პალოებს სვამენ ისინი ყველაფერს განსხვავებულად ხედავენ მათ არ უყვართ წესები შეგიძლიათ მათი ციტირება, შეგიძლიათ არ დაეთანხმოთ, შეაქოთ ან გალანძღოთ, მაგრამ არის ერთი რამ, რისი გაკეთებაც არ შეგიძლიათ ეს მათი იგნორირებაა, რადგან მათ შეუძლიათ შეცვლონ წინ წაწიონ კაცობრიობა; და სანამ ზოგიერთები ისე უყურებენ , როგორც შეშლილებს, ჩვენ მათში ვხედავთ გენიოსებს, ვინაიდან სწორედ ის ცვლის სამყაროს, ვინც იმდენად შეშლილია, რომ ამის გაკეთებაზე ფიქრობს.

ზოგიერთმა თქვენგანმა შესაძლოა თქვას, რომ სტივ ჯობსის მსგავსი ლიდერები მხოლოდ ათწლეულებში ერთხელ ჩნდებიან, მაგრამ თუ ადამიანებს დავეხმარებით ბიზნესის წამოიწყებასა და ოცნებების რეალიზებაში მაშინ სტივ ჯობსის მსგავსი ნოვატორების მხარდაჭერის კუმულაციური ეფექტი უფრო ძლიერი იქნება, ვიდრე მხოლოდ ერთი ადამიანი მიუხედავად მისი ტალანტისა.
ჩვენი მომავლის გაუმჯობესებისა და დასაქმების ზრდის შესაძლებლობას მცირე ბიზნესი გვაძლევს. Forbes-ში ჩვენი მისია სწორედ მათი წარმატებული გავლენის გაშუქებაა.

ნოვატორი ლიდერები უკეთესი ეკონომიკისა და უკეთესი სამყაროს გამომგონებლები და შემქმნელები არიან.

ცოტა ხნის წინ ვიყავი ესტონეთში, ქვეყანაში, სადაც შეიქმნა Skype ბევრი პატარა ქვეყანა დღეს იმ ინოვაციების სამშობლოა, რომლებიც ცვლიან და გარდაქმნიან მსოფლიო ტექნოლოგიებს.
როგორ უნდა დავეხმაროთ მათ?

სოცილაურ მეწარმეებს სჭირდებათ სოციალური ჟურნალისტიკა, რომელიც უზრუნველყოფს დიალოგს ჟურნალისტებსა და მკითხველებს შორის და ხელს შეუწყობს დისკუსიას და არა მონოლოგს.

მედიას შეუძლია დეხმაროს მეოცნებეთა შემდეგ თაობას და საშუალება მისცეს მეწარმეებს საკუთარ საქმიანობაზე მთელ მსოფლიოს ესაუბრონ.კერძოდ, ეს ნიშნავს ენჯელ-ინვესტიციებსა და ვენჩურული კაპიტალთან ერთად მიკროდაფინანსებისა და სოციალური მეწარმეობის მხარდაჭერას. ეს დაეხმარება ადამიანებს მათი ეკონომიკური მომავლის შექმნაში, მათი ნიჭის განვითარებასა და რესურსების მაქსიმალურ გამოყენებაში. ეს არის რეალური ეკონომიკური ძალა. ეს არის ეკონომიკის განვითარების ძრავა.
როდესაც ადამიანის პოტენციალი რეალიზებულია, როდესაც აქვს კაპიტალი და მხარდაჭერა, ის მოგვცემს ისეთ კრეატიულ, სტაბილურ, რეალურ და მომგებიან შედეგს, როგორსაც დღეს ალბათ ვერც კი წარმოვიდგენთ.

 

წინა სტატია

კარგი იდეა გაქვს? აქციე ბიზნესად
25 ოქტომბერი, 2012

შემდეგი სტატია

რატომაც არა?
29 ოქტომბერი, 2012
რომელ ბანკებს აქვთ ყველაზე მეტი “უმოქმედო სესხი”
ახალი ამბები ქართულად | ნოე, 19, 2018
10 ქვეყანა, რომლის მოქალაქეებიც საქართველოში ვიზიტისას ყველაზე მეტ ფულს ხარჯავენ
ახალი ამბები ქართულად | დეკ, 05, 2018
საქართველოს ბანკი QR გადახდებს ნერგავს
საქართველო | დეკ, 05, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა