იანვარში ლარში გაცემული სესხები გაიზარდა

2017 წლის იანვარში, წინა თვესთან (დეკემბერთან), შედარებით საქართველოს კომერციული ბანკების მიერ ლარში გაცემული სესხების მოცულობა (ბანკთაშორისი სესხების გარეშე) 101 მლნ ლარით გაიზარდა, ხოლო უცხოურ ვალუტაში გაცემული სესხები 56 მლნ დოლარით შემცირდა. ეს შედეგი უცხოურ ვალუტაში გაცემული სესხების ლარიზაციამ განაპირობა.

ბოლო ერთ წელიწადში ლარში გაცემული სესხები 1.1 მილირდი ლარით, უცხოურ ვალუტაში გაცემული სესხები კი 308 მლნ დოლარით არის გაზრდილი. საერთო სესხებში უცხოურ ვალუტაში გაცემული სესხების წილი 65.3%-ზე დაფიქსირდა. ერთი წლის წინ ეს მაჩვენებელი 65.8% იყო.

იანვარში ვადაგადაცილებული სესხების მოცულობა 34 მლნ ლარით გაიზარდა და 446 მლნ ლარი შეადგინა. მთლიანი საკრედიტო პორტფელის მიმართ ვადაგადაცილებული სესხების მოცულობა 2.3%-ია, რაც მაღალი მაჩვენებელი არ არის. აღნიშნული მაჩვენებელი 2016 წლის 1 თებერვალს 2% იყო.

2017 წლის იანვარში ლარში გაცემულ სესხებზე საშუალო წლიური საპროცენტო განაკვეთი არ შეცვლილა და 18.2% შეადგინა. დოლარში გაცემულ სესხებზე კი იანვარში განაკვეთი 0.1% პუნქტით გაიზარდა და 8.8% შეადგინა.

წინა სტატია

იანვარში უცხოურ ვალუტაში განთავსებული დეპოზიტები 97 მილიონი დოლარით შემცირდა
24 თებერვალი, 2017

შემდეგი სტატია

2017 წლის ოსკარის გამარჯვებულების სრული სია
27 თებერვალი, 2017
რომელი ქვეყნის ტურისტები ხარჯავენ ყველაზე მეტს და მოგზაურობენ ყველაზე ხანგრძლივად საქართველოში
ახალი ამბები ქართულად | სექ, 18, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
ქართლის ქარის ელექტროსადგური იყიდება – საწყისი ფასი $14.2 მილიონია
ახალი ამბები ქართულად | სექ, 17, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა