მარტში ბიუჯეტის საგადასახადო შემოსავლებმა მილიარდი ლარი შეადგინა

საქართველოს სახელმწიფო ხაზინის ინფორმაციით, 2017 წლის მარტში სახელმწიფო ბიუჯეტის საგადასახადო შემოსავლებმა 1 მილიარდი ლარი შეადგინა, რაც ერთი თვის საგადასახადო შემოსავლის რეკორდული მაჩვენებელია. გასული წლის მარტში ბიუჯეტის საგადასახადო შემოსავალი 868 მილიონი ლარი იყო.

იანვარ-მარტში, ჯამში, სახელმწიფო ბიუჯეტში 2.27 მილიარდი ლარის გადასახადია მობილიზებული, რაც 318 მილიონი ლარით (16%-ით) მეტია 2016 წლის იანვარ-მარტის მაჩვენებელზე. 2017 წლის პირველი კვარტლის საგადასახადო შემოსავლების გეგმა 108%-ით შესრულდა. ამავე პერიოდში, ბიუჯეტის შემოსულობები 2.69 მილიარდი ლარია, რაც 496 მილიონი ლარით მეტია 2016 წლის მაჩვენებელზე.

პირველ კვარტალში ბიუჯეტის გადასახდელებმა (ხარჯებმა) 2.5 მილიარდი ლარი შეადგინა, რაც 202 მილიონი ლარით (9%-ით) მეტია 2016 წლის ანალოგიურ მაჩვენებელზე. თუმცა, გადასახდელების კვარტალური გეგმა 91%-ით შესრულდა.

რადგან შემოსულობების გეგმა გადაჭარბებით შესრულდა, ხოლო გადასახდელების არ შესრულდა, შედეგად, იანვარ-მარტში ბიუჯეტის ნაშთი 225 მილიონი ლარით გაიზარდა. გეგმის მიხედვით ბიუჯეტის ნაშთის 230 მილიონი ლარით კლება იყო გათვალისწინებული.

წინა სტატია

მარტში საქართველოში 28.6 პროცენტით მეტი ტურისტი შემოვიდა
04 აპრილი, 2017

შემდეგი სტატია

მანჰეტენი თბილისში ვისენტე ვულფისგან
05 აპრილი, 2017
ივლისში საქართველოში რეკორდული რაოდენობის ტურისტი შემოვიდა
საქართველო | აგვ, 05, 2019
"ფინკა ბანკის" ახალი ბიზნესმოდელი
ინტერვიუ | ივლ, 31, 2019
მსოფლიოს უმსხვილესი ბანკების ათეული
რეიტინგი | აგვ, 06, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა