სემეკ-მა შესაძლოა "ყაზტრანსგაზ თბილისი" დააჯარიმოს

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ, შესაძლოა "ყაზტრანსგაზ თბილისი" დააჯარიმოს. ამ საკითხზე სემეკ-ი 13 თებერვლის სხდომაზე იმსჯელებს. შპს "ყაზტრანსგაზ-თბილისის" დაჯარიმების შესახებ გადაწყვეტილების განხილვა კომისიის სხდომის დღის წესრიგში პირველ საკითხად არის შესული.

საქმე ეხება მომხმარებლებისთვის იანვარში მოხმარებული ბუნებრივი გაზის საფასურის დარიცხვის წესის დარღვევას, რის გამოც აბონენტების ნაწილს გაზრდილი გადასახადი მიუვიდათ. 2013 წლის დეკემბერსა და 2014 წლის იანვარში მოხმარებული ბუნებრივი გაზის აღრიცხვის წესის დარღვევის გამო სემეკ-მა "ყაზტრანსგაზ თბილისის" სანქცირების შესახებ საჯარო ადმინისტრაციული წარმოება დაიწყო.

"შპს "ყაზტრანსგაზ თბილისს" განემარტა, რომ იმ მომხმარებლებს, რომლებსაც 2014 წლის იანვრის თვეში მოხმარებული ბუნებრივი გაზის ჩვენებების აღების პერიოდის დარღვევის გამო მოუვიდათ გაზრდილი გადასახადი, არ შეუწყვიტოს ბუნებრივი გაზის მიწოდება საკითხის შესახებ საბოლოო გადაწყვეტილების მიღებამდე", - ნათქვამია სემეკ-ის განცხადებაში.

შესაძლოა, "ყაზტრანსგაზ თბილისს" კომისიამ მისცეს მითითებაც, რომ დამატებითი დარიცხვა მოქალაქეებს რამდენიმე თვეზე გადაუნაწილოს.

Forbes.ge. News.ge-ზე დაყდრნობით

წინა სტატია

ეშტონ კუჩერი 36 წლის გახდა. ფაქტები და ფოტოგალერეა
07 თებერვალი, 2014

შემდეგი სტატია

მარიხუანის მოხმარების რეგულაცია საზოგადოებრივი კეთილდღეობისთვის
08 თებერვალი, 2014
ნინო ზამბახიძის სიტყვა თეთრ სახლში აშშ-ს პრეზიდენტთან შეხვედრისას
ახალი ამბები ქართულად | თებ, 08, 2019
საქართველოს ბანკმა ისტორიულ შენობაში დაგროვილი ქონების მართვის ახალი ფილიალი გახსნა
საქართველო | იან, 28, 2019
ბაია აბულაძე Forbes 30 Under 30 სიაშია
ახალი ამბები ქართულად | თებ, 12, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა