მარკ ცუკერბერგი და პრისცილა ჩანი - 2013 წლის ყველაზე გულუხვი ქველმოქმედები

ვინ გაიღო ყველაზე დიდი რაოდენობის ფული 2013 წელს აშშ-ში? მარკ ცუკერბერგმა და მისმა ცოლმა, პრისცილა ჩანმა. მათ თითქმის 1 მილიარდი დოლარი (992,2$) გაიღეს Silicon Valley Community Foundation-ის სასარგებლოდ.

სულ, 2013 წელს, ტოპ-50-მა ამერიკელმა ფილანტროპმა 7,7 მილარდი დოლარი გაიღო საქველმოქმედო მიზნებისთვის, რაც 300 მილიონით აღემატება 2012 წლის მონაცემს, მაგრამ მნიშვნელოვნად ჩამოუვარდება 2011 წლის ნიშნულს - $10,4 მილიარდი.

The Chronicle of Philanthropy.-ის მიერ შედგენილ სიაში მეორე ადგილზე გავიდა ტეხასელი ენერგეტიკული მაგნატი, ჯორჯ მიტჩელი. იგი 2013 წლის ივლისში გარდაიცვალა და ანდერძის თანახმად, 750 მილიონი დოლარი დაუტოვა თავის საოჯახო ფონდს, რომელიც ბუნებრივი აირის რესურსების შენარჩუნებაზე და განვითარებაზე ზრუნავს. გარდაცვალებამდე Forbes-მა მიტჩელის კაპიტალი 2 მილიარდ დოლარად შეაფასა.

ქველმოქმედთა სიაში მესამე ადგილზე Nike-ის თანადამფუძნებელი, ფილიპ ნაითი და მისი ცოლი პენელოპე არიან, რომლებმაც 500 მილიონი გაიღეს სიმსივნის კვლევებისთვის, "ორეგონის ჯანმრთელობისა და მეცნიერების საუნივერსიტეტო ფონდის" სასარგებლოდ.

ჯერჯერობით უცნობია, თუ რაში დახარჯავს ცუკერბერგ/ჩანისგან მიღებულ თანხას "სილიკონის ველის საზოგადოებრივი ფონდი". როგორც ფონდის წარმომადგენლები აცხადებენ, ინფორმაცია კონფიდენციალური იქნება მანამდე, სანამ დონორებისგან სპეციალურ ნებართვას არ მიიღებენ.

Forbes.com-ზე დაყრდნობით.

წინა სტატია

ქალების როლი ეკონომიკაში - თანამედროვე ტენდენციები
11 თებერვალი, 2014

შემდეგი სტატია

12 თებერვალი, 2014
ნინო ზამბახიძის სიტყვა თეთრ სახლში აშშ-ს პრეზიდენტთან შეხვედრისას
ახალი ამბები ქართულად | თებ, 08, 2019
საქართველოს ბანკმა ისტორიულ შენობაში დაგროვილი ქონების მართვის ახალი ფილიალი გახსნა
საქართველო | იან, 28, 2019
ბაია აბულაძე Forbes 30 Under 30 სიაშია
ახალი ამბები ქართულად | თებ, 12, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა