ბილ გეითსი: სიცოცხლის გახანგრძლივებას არ ვაპირებ

რამდენიმე დღის წინ ბილ გეითსი მიუჯდა თავის კომპიუტერს და მთელი დღის განმავლობაში პასუხობდა სოციალურ ქსელ reddit-ის მომხმარებელთა კითხვებს.

გეითსის  მეტსახელი იყო thisisbillgates და მისი კითხვა-პასუხის სესია იწყებოდა სიტყვებით: „გამარჯობა Reddit, მე ბილ გეითსი ვარ, „ბილ და მელინდა გეითსების ფონდის“ თანათავმჯდომარე და Microsoft-ის დამფუძნებელი. მკითხეთ, რაც გინდათ.“

გთავაზობთ reddit-ის რამდენიმე მომხმარებლის კითხვას და ბილ გეითსის პასუხებს:

reddit-ის მომხმარებელი: რა განსხვავებაა 20 წლის წინანდელ და დღევანდელ ბილ გეითს შორის?

ბილ გეითსი: 20 წლის წინ შემეძლო რამდენიმე დღე ზედიზედ არ გამოვსულიყავი სამსახურიდან და არც მეფიქრა ამაზე, ვიყავი ენერგიული და გულუბრყვილო. დღეს, იმედია, უფრო მომწიფებული ვარ და ოდნავ მეტად დაბრძენებული.

reddit-ის მომხმარებელი: გეგმავთ თუ არა სიცოცხლის ხელოვნურად გახანგრძლივებას? გულწრფელად.

ბილ გეითსი: არა, არ ვგეგმავ. ბევრი ფიქრობს ამის შესახებ, მაგრამ მე არ მომინდება გავიხანგრძლივო დარჩენილი რამდენიმე წელი, თუ ადამიანების უმრავლესობა იგივეს არ გააკეთებს.

reddit-ის მომხმარებელი: რომ არა კომპიუტერები და შემდგომში Microsoft-ის დაფუძნება, როგორ ფიქრობთ რას გააკეთებდით?

ბილ გეითსი: შესაძლოა იურისტი ან მათემატიკოსი ვყოფილიყავი. მამაჩემი იურისტი იყო. თუმცა, ვფიქრობ, რომ ბოლოს ფიზიკით ან კომპიუტერული მეცნიერებით დავკავდებოდი.

reddit-ის მომხმარებელი: რომელი სმარტფონით და/ან ტაბლეტით სარგებლობთ?

ბილ გეითსი: მე ვსარგებლობ Surface 2 PRO-თი (Microsoft-ის ტაბლეტი), რომელიც ძალიან მადგება.

reddit-ის მომხმარებელი: თქვენი ფინანსური რჩევა იმ ადამიანებისთვის, რომელთა შემოსავალი წელიწადში 100 ათას დოლარზე ნაკლებია?

ბილ გეითსი: დააბანდეთ ფული თქვენს განათლებაში.

ბილ გეითსის AMA სრულად.

Photo by Reddit.

 

წინა სტატია

საქართველოს ბანკმა „საქართველოს ბანკის უნივერსიტეტი“ დააფუძნა
13 თებერვალი, 2014

შემდეგი სტატია

მილიარდერთა ბუნკერები
13 თებერვალი, 2014
QNET’s vision
ინტერვიუ | ოქტ, 02, 2018
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
ბიძინა ივანიშვილის ქონება ერთ კვირაში $80 მილიონით შემცირდა
ახალი ამბები ქართულად | ოქტ, 11, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა