Forbes-ის მილიარდერთა განახლებული რეიტინგი. 2014 წელი

Forbes-მა გამოაქვეყნა მილიარდერთა განახლებული, 2014 წლის რეიტინგი. ეს სია ყოველწლიურად იზრდება და  წელს უკვე 1,645 მილიარდერისგან შედგება, რომელთა ჯამური ქონება  $6.4 ტრილიონს ($5.4 ტრილიონი ერთი წლის წინ) შეადგენს. სიაში, შარშანდელთან შედარებით, 268 ახალი ფიგურაა, რომელთაგანაც 42 ქალია. სულ რეიტინგში 172 ქალი მოხვდა, რაც ასევე ახალი რეკორდია.

ოთხწლიანი პაუზის შემდეგ, ბილ გეითსმა კვლავ პირველ ადგილზე გადაინაცვლა. გეითსის ქონება გასულ წელს $9 მილიარდით გაიზარდა და ამჟამად $76 მილიარდს შეადგენს. 4-წლიანი ლიდერობის შემდეგ, მექსიკელმა მაგნატმა კარლოს სლიმ ჰელუმ მეორე ადგილზე გადაინაცვლა $76 მილიარდით. მესამეზე კვლავ Zara-ს მფლობელი, ესპანელი ამანსიო ორტეგაა ($64 მილიარდი), ხოლო მეოთხე ადგილს ისევ უორენ ბაფეტი ინარჩუნებს ($58.2 მილიარდი). Oracle-ის დამფუძნებელი და CEO ლარი ელისონი მეხუთეა ($48 მილიარდი).

გასული წელი ყველაზე მოგებიანი მარკ ცუკერბერგისთვის აღმოჩნდა. მისი ქონება $15.2 მილიარდით გაიზარდა და $28.5 მილიარდი შეადგინა. Facebook-იდან წლევანდელ რეიტინგს კიდევ ორი ადამიანი შეუერთდა და მილიარდერი გახდა - შერილ სანდბერგი, COO და ჯეფ როტშილდი, ვიცე-პრეზიდენტი. Facebook-თან გაერთიანების შემდეგ სიაში WhatsApp-ის დამფუძნებლებიც შევიდნენ - იან კოუმი და ბრაიან აქტონი.

ტექნოლოგიური ბუმი და ძლიერი საფონდო ბაზარი კვლავ განაპირობებს აშშ-ის წარმომადგენელთა ლიდერობას რეიტინგში. სულ სიაში 492 ამერიკელი მილიარდერია, მეორეზე ჩინეთია - 152 წარმომადგენელი, ხოლო მესამეზე -  რუსეთი (111 მილიარდერი).

Forbes-ის მილიარდერთა 2014 წლის სრული რეიტინგი იხილეთ ბმულზე.

წინა სტატია

სოჭში დაგეგმილი „დიდი რვიანის“ სამიტი აღარ შედგება
03 მარტი, 2014

შემდეგი სტატია

Forbes Georgia-ის მარტის ნომერი გაყიდვაშია
06 მარტი, 2014
რომელ ბანკებს აქვთ ყველაზე მეტი “უმოქმედო სესხი”
ახალი ამბები ქართულად | ნოე, 19, 2018
ნავთობის მსოფლიო ფასი 27 პროცენტით შემცირდა
მსოფლიო | ნოე, 14, 2018
10 ქვეყანა, რომლის მოქალაქეებიც საქართველოში ვიზიტისას ყველაზე მეტ ფულს ხარჯავენ
ახალი ამბები ქართულად | დეკ, 05, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა