აგვისტოში საქართველოს ექსპორტი 23 პროცენტით გაიზარდა

საქართველოს სტატისტიკის ეროვნული სამსახურის წინასწარი მონაცემებით, 2017 წლის აგვისტოში, 2016 წლის აგვისტოსთან შედარებით, საქართველოდან საქონლის ექსპორტი 23%-ით (43.9 მლნ დოლარით) გაიზარდა, ხოლო იმპორტი 6%-ით (45 მლნ დოლარით) შემცირდა. მიმდინარე წლის აგვისტოში ექსპორტი გაზრდილია 2015 წლის აგვისტოს მაჩვენებელთან შედარებითაც (46 მლნ დოლარით), ხოლო 2014 წლის აგვისტოს ექსპორტს კი 11.5 მლნ დოლარით ჩამორჩება. 

2017 წლის აგვისტოში საქართველოს საქონლის ექსპორტმა 236.1 მლნ დოლარი, ხოლო იმპორტმა 699.7 მლნ დოლარი შეადგინა. უარყოფითი სავაჭრო ბალანსი კი 463.6 მლნ დოლარია, რაც 2016 წლის აგვისტოს უარყოფით ბალანსზე 89 მლნ დოლარით ნაკლებია. 

რვა თვის ჯამში, იანვარ-აგვისტოში ექსპორტი 28.5%-ით (373 მლნ დოლარით), ხოლო იმპორტი 7.5%-ით (345 მლნ დოლარით) არის გაზრდილი. 

საგარეო ვაჭრობის დეტალური მაჩვენებლები 19 სექტემბერს გამოქვეყნდება.

საგარეო ვაჭრობა ექსპორტი იმპორტი საქსტატი

წინა სტატია

Moody’s Names The Main Challenges For The Economy Of Georgia
12 სექტემბერი, 2017

შემდეგი სტატია

Fitch Ratings საპარტნიორო ფონდს აფასებს
13 სექტემბერი, 2017
ყველაზე მსხვილი მიკროსაფინანსო ორგანიზაციები
რეიტინგი | ივლ, 16, 2018
მეორედ მოსვლა მეორედ წასვლისთვის
ფორბს-მოსაზრება | ივლ, 11, 2018
გლობალური ქსელის თბილისელი შვილობილი
Forbes Woman | ივნ, 28, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა