საბანკო სესხების დოლარიზაცია 58 პროცენტამდე შემცირდა

2017 წლის აგვისტოში, წინა თვესთან (ივლისთან) შედარებით, საქართველოს კომერციული ბანკების მიერ ლარში გაცემული სესხების მოცულობა (ბანკთაშორისი სესხების გარეშე) 79 მლნ ლარით გაიზარდა, ხოლო უცხოურ ვალუტაში გაცემული სესხები 30 მლნ დოლარით შემცირდა.

ბოლო ერთ წელიწადში ლარში გაცემული სესხები 2.2 მილიარდი ლარით არის გაზრდილი, ხოლო უცხოურ ვალუტაში გაცემული სესხები კი 17 მლნ დოლარით. საერთო სესხებში უცხოურ ვალუტაში გაცემული სესხების წილი 58%-ზე დაფიქსირდა. ერთი წლის წინ ეს მაჩვენებელი 64.1% იყო.

აგვისტოში ვადაგადაცილებული სესხების მოცულობა 1.7 მლნ ლარით გაიზარდა და 430 მლნ ლარი შეადგინა. მთლიანი საკრედიტო პორტფელის მიმართ ვადაგადაცილებული სესხების მოცულობა 2.2%-ია, რაც მაღალი მაჩვენებელი არ არის. აღნიშნული მაჩვენებელი 2016 წლის პირველ სექტემბერს 2.5% იყო.

2017 წლის აგვისტოში, ივლისთან შედარებით, გაცემულ სესხებზე საშუალო წლიური საბაზრო საპროცენტო განაკვეთი 1.3% პუნქტით გაიზარდა და 17.4% შეადგინა. ლარში გაცემულ სესხებზე განაკვეთი 1.6% პუნქტით გაიზარდა და 22.0%-ის დონეზე განისაზღვრა, ხოლო უხოურ ვალუტაში გაცემულ სესხებზე კი აგვისტოში განაკვეთი 0.3% პუნქტით გაიზარდა და 8.5% შეადგინა.

საბანკო სესხები დოლარიზაცია საპროცენტო განაკვეთი

წინა სტატია

მიწისქვეშა გაზსაცავის მშენებლობა მომავალი წლიდან დაიწყება
25 სექტემბერი, 2017

შემდეგი სტატია

ADB-მ საქართველოს ეკონომიკური ზრდის პროგნოზი გაზარდა
26 სექტემბერი, 2017
რატომ წავედი პოლიტიკაში
ფორბს-მოსაზრება | ნოე, 06, 2019
საქართველოს რიტეილის სფეროს რეიტინგი
რეიტინგი | ოქტ, 28, 2019
მარტივი გზამკვლევი სტარტაპერებისთვის
ინტერვიუ | ოქტ, 21, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა