ADB-მ საქართველოს ეკონომიკური ზრდის პროგნოზი გაზარდა

აზიის განვითარების ბანკმა (ADB) საქართველოს ეკონომიკური ზრდის პროგნოზი გაზარდა. მიმდინარე წელს ბანკი საქართველოში 4,2%-იან ეკონომიკურ ზრდას ელოდება. ADB-ის წინა პროგნოზი, რომელიც ბანკმა გაზაფხულზე გააკეთა 3,8%-ს შეადგენდა.

2018 წელს აზიის განვითარების ბანკი საქართველოში 4,5%-იან ეკონომიკურ ზრდას ელოდება. ამასთან ბანკმა გაზარდა ინფლაციის მაჩვენებლის პროგნოზიც და ის მიმდინარე წელს 5.7%-ს შეადგენს, ნაცვლად ადრე ნავარაუდები 4,2%-სა.

საქართველოს მეზობელი ქვეყნებიდან ADB ყველაზე მაღალ ზრდას საქართველოში ელოდება, სომხეთში ბანკის პროგნოზით ეკონომიკური ზრდა წელს 3,8%-ს მიაღწევს, აზერბაიჯანში კი ეკონომიკის 1,3%-ით შემცირებაა მოსალოდნელი.

ცენტრალური აზიის რეგიონში ყველაზე მაღალ ზრდას ბანკი უზბეკეთში ელოდება და ის 6,8%-ს შეადგენს; 6,5%-იან ზრდას ელოდება ბანკი თურქმენეთში, ტაჯიკეთში 5%-იანს, ხოლო ყაზახეთში 2,7%-იანს.

ADB აღნიშნავს, რომ საქართველოს ეკონომიკური ზრდის პროგნოზის გაუმჯობესებაზე დადებითად იმოქმედა გაზრდილმა ინფრასტრუქტურულმა ხარჯებმა, რომელიც მოსალოდნელია, რომ 2018 წელსაც შენარჩუნდება, ასევე დადებითმა ტენდენციებმა ფულად გზავნილებში, ტურისტულ შემოსავლებსა და უცხოურ ინვესტიციებში.

ADB აზიის განვითარების ბანკი ეკონომიკური ზრდა

წინა სტატია

საბანკო სესხების დოლარიზაცია 58 პროცენტამდე შემცირდა
26 სექტემბერი, 2017

შემდეგი სტატია

BGEO Group announces changes to its Management Team
26 სექტემბერი, 2017
უნივერსიტეტების რეიტინგი - 2019 წლის ერთიანი ეროვნული გამოცდების შედეგებით
რეიტინგი | ოქტ, 19, 2019
King David - როდესაც სახლს შემოსავალი მოაქვს
ახალი ამბები ქართულად | ოქტ, 17, 2019
საქართველოს აუდიტორული კომპანიების რეიტინგი
რეიტინგი | ოქტ, 20, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა