მსოფლიოს 10 ყველაზე კონკურენტუნარიანი ქვეყანა

მსოფლიო ეკონომიკურმა ფორუმმა 2017-2018 წლების მსოფლიო კონკურენტუნარიანობის ანგარიში გამოაქვეყნა, რომელიც 137 ქვეყნის მონაცემს აერთიანებს.

უკვე მეექვსე წელია მსოფლიოს ყველაზე კონკურენტუნარიან ქვეყნად შვეიცარია სახელდება. ის კვლევის 12-ვე სფეროში უმაღლეს შეფასებას იღებს.

მიმდინარე წელს, თავისი შედეგი რეკორდულად გაიუმჯობესა ამერიკის შეერთებულმა შტატებმა. ქვეყანამ რეიტინგში მეორე ადგილი დაიკავა, გასული წლის მესამე ადგილის ნაცვლად. ამერიკის შეერთებული შტატები რეიტინგის შედგენის პირველ წელს მეშვიდე პოზიციაზე იყო. მსოფლიოს ნომერ პირველ ეკონომიკას მაღალი შეფასებები აქვს ინოვაციებისა და ეფექტურობის კრიტერიუმებში, თუმცა საშუალო განათლებისა და ჯანდაცვის კატეგორიებში ჩამორჩება.

წლევანდელ რეიტინგში ერთი პოზიციით ჩამოქვეითდა სინგაპური და მან მესამე ადგილი დაიკავა. ქვეყნის მაკროეკონომიკურ კრიტერიუმზე წელს ნეგატიური გავლენა იქონია სამთავრობო ვალის ზრდამ.

რეიტინგის ხუთეულში მოხვდა გერმანია და ნიდერლანდები. მეექვსე ადგილზე მოხვდა ჰონგ კონგი, ხოლო მეშვიდეზე კი შვედეთი. წლევანდელ რეიტინგში გაერთიანებულმა სამეფომ მერვე ადგილი დაიკავა, ხოლო ათეულის ბოლო ორ პოზიციაზე მოხვდა იაპონია და ფინეთი.

მსოფლიო ეკონომიკურმა ფორუმი გლობალური კონკურენტუნარიანობის ინდექსი შვეიცარია

წინა სტატია

IMF საქართველოს ფისკალურ გამჭვირვალობას აფასებს
28 სექტემბერი, 2017

შემდეგი სტატია

უსაფრთხო ქვეყნების რეიტინგში საქართველომ 28-დან 37-ე ადგილზე გადაინაცვლა
28 სექტემბერი, 2017
ნინო ზამბახიძის სიტყვა თეთრ სახლში აშშ-ს პრეზიდენტთან შეხვედრისას
ახალი ამბები ქართულად | თებ, 08, 2019
საქართველოს ბანკმა ისტორიულ შენობაში დაგროვილი ქონების მართვის ახალი ფილიალი გახსნა
საქართველო | იან, 28, 2019
ბაია აბულაძე Forbes 30 Under 30 სიაშია
ახალი ამბები ქართულად | თებ, 12, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა