ამსტერდამში რემბრანდტის უცნობი ტილო აღმოაჩინეს

დღეს ჰოლანდიელმა ექსპერტებმა მსოფლიოს ამცნეს, რომ აღმოჩენილია რემბრანდტის მორიგი ნამუშევარი, რომელიც, სავარაუდოდ, 1630-იან წლებში, ლეიდენური პერიოდის ბოლოს არის შექმნილი. განცხადებას, რომ ტილო ნამდვილად რემბრანდტს ეკუთვნის, საფუძვლად დაედო თანამედროვე ტექნოლოგიური კვლევის შედეგები და პროფესიული ალღო ერნსტ ვან დე ვეტერინგისა, რომელიც ამჟამად შეჩერებული რემბრანდტის კვლევის პროექტის დირექტორი იყო.

ნიდერლანდის სამეფოს საინფორმაციო წყაროების თანახმად, ნამუშევრის წარმომავლობის დადგენაში ამერიკელი და ბელგიელი მკვლევარებიც იღებდნენ მონაწილეობას. ტილოზე გამოსახულია მოხუცი მამაკაცი ჭაღარა წვერითა და შავი სამოსით,რემბრანდტის პორტრეტებისათვის დამახასიათებელ მოოქროსფრო-მოყავისფრო ფონზე.

შეუიარაღებელი და გამოუცდელი თვალიც კი ნათლად დაინახავს მსგავსებას ნახატზე გამოსახულ მოხუცსა და ცნობილი მხატვრის ავტოპორტრეტებს შორის. და მართლაც,როგორც ექსპერტები ირწმუნებიან, საღებავის ზედა ფენის ქვეშ რემბრანდტის დაუსრულებელი ავტოპორტრეტი იმალება.

ნამუშევარი,რომელიც ამჟამად კერძო კოლექციონერის საკუთრებაა, ამსტერდამის რემბრანდტის მუზეუმში 1-ელი მაისიდან 1-ელი ივლისის ჩათვლით გამოიფინება.

 

 

წინა სტატია

მოიყვანს თუ არა ერთი ბლოგერი რუსეთში არაბულ გაზაფხულს
10 დეკემბერი, 2011

შემდეგი სტატია

უორენ ბაფეტი: ევროპის გამოჯანმრთელება რთული იქნება
12 დეკემბერი, 2011
რომელ ბანკებს აქვთ ყველაზე მეტი “უმოქმედო სესხი”
ახალი ამბები ქართულად | ნოე, 19, 2018
ნავთობის მსოფლიო ფასი 27 პროცენტით შემცირდა
მსოფლიო | ნოე, 14, 2018
10 ქვეყანა, რომლის მოქალაქეებიც საქართველოში ვიზიტისას ყველაზე მეტ ფულს ხარჯავენ
ახალი ამბები ქართულად | დეკ, 05, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა