საქართველოს სტატისტიკის ეროვნული სამსახურის ინფორმაციით, ოქტომბერში სამომხმარებლო საქონლისა და მომსახურების ფასების დონე 0.8%-ით გაიზარდა, წლიურმა ინფლაციამ (12 თვის) კი 6.4% შეადგინა, რაც ნიშნავს, რომ ბოლო ერთ წელიწადში სამომხმარებლო პროდუქცია 6.4%-ით გაძვირდა.
ოქტომბერში ფასების ზრდა ძირითადად ტანსაცმლის და ფეხსაცმლის და სურსათის გაძვირებამ განაპირობა. ტანსაცმელი და ფეხსაცმელი 6.5%-ით გაძვირდა, ხოლო სურსათი და უალკოჰოლო სასმელები 1.6%-ით. ტანსაცმლიდან და ფეხსაცმლიდან ყველაზე მეტად ქალის (28%-ით) და მამაკაცის (23%) ზამთრის ფეხსაცმელი გაძვირდა (იხილეთ ცხრილი).
ბოლო ერთ წელიწადში ყველაზე მეტად ალკოჰოლური სასმელები და თამბაქოს ფასები (17.6%-ით) გაიზარდა. ტრანსპორტის ფასები 14.7%-ით გაძვირდა. სურსათის და უალკოჰოლო სასმელების ფასები 7.4%-ით, ჯანმრთელობის დაცვის ფასი კი 5.8%-ით გაიზარდა.
ცხრილი: ტანსაცმლის და ფეხსაცმლის ფასების ზრდა მიმდინარე წლის ოქტომბერში
ტანსაცმელი და ფეხსაცმელი | ფასის ზრდა |
ქალის ზამთრის ფეხსაცმელი | 28% |
მამაკაცის ზამთრის ფეხსაცმელი | 23% |
გოგოს ჩექმა | 22% |
ქალის სვიტერი | 20% |
ქალის დემისეზონური ქურთუკი | 17% |
ქალის ზამთრის პალტო | 13% |
ქალის საზაფხულო ფეხსაცმელი | 11% |
საშინაო ფეხსაცმელი ქალის | 11% |
ბიჭის ნახევარჩექმა | 8% |
საშინაო ფეხსაცმელი ბავშვის | 8% |
ბავშვის სვიტერი | 7% |
ბავშვის ქურთუკი | 7% |
მამაკაცის დათბუნებული ქურთუკი | 6% |
მამაკაცის სვიტერი | 6% |
ქალის საზაფხულო კაბა | 5% |
საშინაო ფეხსაცმელი კაცის | 5% |
წყარო: საქსტატი
დატოვე კომენტარი
