საქართველოს სახელმწიფო ვალი 16.5 მილიარდ ლარამდე გაიზარდა

საქართველოს სახელმწიფო ვალი 16.5 მილიარდ ლარამდე გაიზარდა

მიმდინარე წლის ოქტომბერში საქართველოს სახელმწიფო ვალის მოცულობა 544 მლნ ლარით გაიზარდა და 16.5 მილიარდი ლარი შეადგინა. საშინაო სახელმწიფო ვალი 1 მლნ ლარით გაიზარდა, ხოლო ლარში გამოხატული საგარეო სახელმწიფო ვალი 543 მლნ დოლარით. ლარში გამოხატული საგარეო ვალის ზრდა ლარის კურსის ვარდნამ განაპირობა. დოლარში გამოსახული საგარეო ვალი 4 მლნ დოლარით შემცირდა. 

31 ოქტომბრის მდგომარეობით საგარეო სახელმწიფო ვალი 13 მილიარდი ლარი, ხოლო საშინაო სახელმწიფო ვალი 3.5 მილიარდი ლარია.

საქართველოს საგარეო სახელმწიფო ვალის 72% საერთაშორისო ორგანიზაციებზე მოდის. მათ შორის, საქართველოს ყველაზე მეტი ვალი – 1.9 მილიარდი დოლარი მსოფლიო ბანკის მიმართ აქვს. ქვეყნების მიხედვით, საქართველოს ყველაზე მეტი ვალი – 287 მლნ დოლარი გერმანიის მიმართ აქვს, შემდეგ მოდის იაპონია 206 მლნ დოალარით. 

საქართველოს სახელმწიფო ვალი მთლიანი შიდა პროდუქტის მიმართ დაახლოებით 45%-ია. 2014 წელს აღნიშნული მაჩვენებელი მშპ-ის 35.6%, ხოლო 2012 წლის ბოლოს 32.6 იყო%.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *