ლარში გაცემულ სესხებზე განაკვეთი 1% პუნქტით გაიზარდა

2017 წლის ოქტომბერში, წინა თვესთან (სექტემბერთან) შედარებით, საქართველოს კომერციული ბანკების მიერ ლარში გაცემული სესხების მოცულობა (ბანკთაშორისი სესხების გარეშე) 153 მლნ ლარით გაიზარდა, ხოლო უცხოურ ვალუტაში გაცემული სესხები 2 მლნ დოლარით შემცირდა. ორივე ვალუტაში ერთად, პირველი ნოემბრის მდგომარეობით რეკორდული მაჩვენებელი 20.7 მილიარდი ლარის სესხია ბანკების მიერ გაცემული.

2017 წლის ოქტომბერში, სექტემბერთან შედარებით, ლარში გაცემულ სესხებზე საშუალო წლიური საბაზრო საპროცენტო განაკვეთი 1% პუნქტით გაიზარდა და 21.4% შეადგინა. უხოურ ვალუტაში გაცემულ სესხებზე კი ოქტომბერში განაკვეთი 0.2% პუნქტით შემცირდა და 8.2% შეადგინა.

ბოლო ერთ წელიწადში ლარში გაცემული სესხები 2.4 მილიარდი ლარით არის გაზრდილი, უცხოურ ვალუტაში გაცემული სესხები კი 104 მლნ დოლარით. საერთო სესხებში უცხოურ ვალუტაში გაცემული სესხების წილი 58.3%-ზე დაფიქსირდა. ერთი წლის წინ ეს მაჩვენებელი 63.7% იყო.

ოქტომბერში ვადაგადაცილებული სესხების მოცულობა 39 მლნ ლარით გაიზარდა და 454 მლნ ლარი შეადგინა. მთლიანი საკრედიტო პორტფელის მიმართ ვადაგადაცილებული სესხების მოცულობა 2.2%-ია, რაც მაღალი მაჩვენებელი არ არის. აღნიშნული მაჩვენებელი 2016 წლის პირველ ნოემბერს 2.3% იყო.

სესხები განკაკვეთი ბანკები

წინა სტატია

Fitch-მა საქართველოს რკინიგზას რეიტინგი დაუდასტურა
24 ნოემბერი, 2017

შემდეგი სტატია

საქართველო ინფრასტრუქტურის ხარისხით მსოფლიოში 76-ე ადგილზეა
27 ნოემბერი, 2017
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
ბრიტანულმა სასამართლომ ირაკლი რუხაძე Salford-ის მილიარდიანი პროექტის მითვისებაში ამხილა
საქართველო | ნოე, 07, 2018
მსოფლიოს საუკეთესო უნივერსიტეტები
ახალი ამბები ქართულად | ოქტ, 31, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა