ოქტომბერში ლარი საქართველოს სავაჭრო პარტნიორი ქვეყნების ვალუტების მიმართ გამყარდა

რეალური ეფექტური გაცვლითი კურსი ასახავს ლარის გაცვლითი კურსის ცვლილებას საქართველოს ძირითადი სავაჭრო პარტნიორი ქვეყნების ვალუტების მიმართ, სამომხმარებლო ფასების ინდექსებს შორის თანაფარდობის ცვლილების გათვალისწინებით. გაანგარიშებაში ჩართულია ის ქვეყნები, რომლებთანაც საქართველოს ყველაზე მაღალი სავაჭრო ბრუნვა აქვს. ოქტომბერში ლარის რეალური ეფექტური კურსი განისაზღვრა აშშ დოლარის, ევროს, თურქული ლირას და რუსული რუბლის მიმართ.

ცალკეულ ქვეყნებთან დაფიქსირებული რეალური გაცვლითი კურსები ერთიანდებაინ რეალური ეფექტური გაცვლითი კურსის ინდექსში. რაც უფრო დიდია სავაჭრო ბრუნვა კონკრეტულ ქვეყანასთან, ამ ქვეყნის ვალუტასთან ლარის კურსის ცვლილებას მეტი გავლენა აქვს ინდექსის საბოლოო მაჩვენებელზე. ინდექსის ზრდა ნიშნავს ეროვნული ვალუტის რეალურ გამყარებას და საგარეო ვაჭრობაში საქართველოს კონკურენტუნარიანობის დაქვეითებას, ხოლო ინდექსის შემცირება – პირიქით. მაგალითად, თუ რუსული რუბლის მიმართ ლარი მყარდება, საქართველოს ექსპორტი რუსეთში ძვირდება, ხოლო რუსეთის იმპორტი საქართველოში იაფდება. თუ ამას თან ახლავს, რუსეთში ინფლაციის მატება (ზოგადად პროდუქტების გაძვირება), მაშინ რუსული რუბლის გაუფასურების ქართულ ექსპორტზე უარყოფითი გავლენა შემცირდება. სწორედ ამიტომ ითვალისწინებს რეალური ეფექტური გაცვლითი კურსი ქვეყნებს შორის ფასების ზრდის ტემპებში თანაფარდობას. 

2017 წლის ოქტომბერში რეალური ეფექტური გაცვლითი კურსის ინდექსი 0.9 პუნქტით გაიზარდა და 118.5 შეადგინა. ლარი გაუფასურდა დოლართან, ევროსთან და რუბლთან, ხოლო თურქულ ლირასთან მიმართებით გამყარდა.

ლარი ლარის კურსი რეალური ეფექტური გაცვლითი კურსი

წინა სტატია

Georgia Holds 76th Position In The World In Terms Of The Quality Of Infrastructure
27 ნოემბერი, 2017

შემდეგი სტატია

მილიარდერები სამეფო ოჯახებიდან
28 ნოემბერი, 2017
გული და ნება
ფორბს-მოსაზრება | ნოე, 21, 2017
ახალი საფეხური სამშენებლო დეველოპმენტში
კომპანიები | ნოე, 21, 2017
ხარისხის, მდგრადი განვითარებისა და ფუფუნების სინთეზი
კომპანიები | ნოე, 14, 2017
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა