HARVARD საჯარო რეესტრის ბლოკჩეინის პროექტის ანალიზს სასწავლო პროგრამებში გამოიყენებს

საქართველო მსოფლიოში ერთ-ერთი პირველი ქვეყანაა, რომელმაც ბლოკჩეინის ტექნოლოგიური მიღწევა უძრავი ქონების რეგისტრაციაში წარმატებით გამოიყენა. სწორედ ამან განაპირობა წამყვანი ბიზნესის სკოლის დაინტერესება. ბლოკჩეინში ინტეგრირებით უძრავ ქონებასთან დაკავშირებული სარეგისტრაციო ტრანზაქციები მეტად დაცული, მსოფლიო მასშტაბით ხელმისაწვდომი და გამჭვირვალე გახდა. 

ჰარვარდის ბიზნესის სკოლის წარმომადგენლები საქართველოში უძრავი ქონების სარეგისტრაციო ტრანზაქციებში ბლოკჩეინის ტექნოლოგიის დანერგვის პროექტის შესახებ დოკუმენტს ამზადებენ, რომელშიც პროექტის დანერგვის ისტორია, ძლიერი მხარეებისა და რისკების შეფასებები, განხორციელების ვადები და სხვა მნიშვნელოვანი საკითხები იქნება განხილული. 

ჰარვარდის ბიზნესის სკოლა საქართველოში მიმდინარე ბლოკჩეინის პროექტის სიტუაციურ ანალიზს (case study) სასწავლო პროგრამებში გამოიყენებს. საქართველოს მაგალითი ბიზნესის სკოლის სხვადასხვა ღონისძიებებშიც იქნება განხილული.

"ჰარვარდის ბიზნესის სკოლის სასწავლო პროგრამებში საქართველოს წარმატებული მაგალითის შეტანა საერთაშორისო აკადემიური და ბიზნესწრეების დაინტერესებას, საერთაშორისო იმიჯის გაუმჯობესებას და ქვეყნის პოპულარიზაციას შეუწყობს ხელს", - განმარტავენ საჯარო რეესტრში. 

HARVARD ბლოკჩეინი საჯარო რეესტრი

წინა სტატია

ლარის მასა ისტორიულ მაქსიმუმზეა, თუმცა კურსი მაინც მყარდება
14 დეკემბერი, 2017

შემდეგი სტატია

საყოველთაო ჯანდაცვის პროგრამის დაფინანსება 40 მილიონი ლარით გაიზარდა
15 დეკემბერი, 2017
ივლისში საქართველოში რეკორდული რაოდენობის ტურისტი შემოვიდა
საქართველო | აგვ, 05, 2019
"ფინკა ბანკის" ახალი ბიზნესმოდელი
ინტერვიუ | ივლ, 31, 2019
მსოფლიოს უმსხვილესი ბანკების ათეული
რეიტინგი | აგვ, 06, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა