თბილისის უბნები, სადაც ყველაზე მეტი მშენებლობა მიმდინარეობს

KPMG ე.წ “ამწეების ინდექსს” აქვეყნებს, რომელშიც 2017 წლის მეოთხე კავრტალში თბილისში განხორციელებული მშენებლობებია გაანალიზებული. კვლევა მხოლოდ მასშტაბურ მშენებლობებს მოიცავს და მასში არ შედის მცირე ზომის კომპლექსების მშენებლობები.

საანგარიშო პერიოდში ყველაზე მეტი მშენებლობა ვაკეში მიმდინარეობდა. მას მოსდევს საბურთალო, ისანი-სამგორი, ნაძალადევი და გლდანი. ჯამში მშენებლობების 50% ვაკე-საბურთალოზე მოდის. 

წლის პირველ კვარტალთან შედარებით, მასშტაბური მშენებლობების რაოდენობა თბილისში 9,3%-ით გაიზარდა. 

მშენებლობების ყველაზე დიდი წილი საცხოვრებელ კომპლექსებზე მოდის, - ჯამში მთლიანი მშენებლობების 67% სწორედ საცხოვრებელ კომპლექსებთანაა დაკავშირებული, 15,5% კი მულტიფუნქციურ შენობებზე მოდის. პირველ კვარტალთან შედარებით, 66%-ით შემცირდა სასტუმროების მშენებლობა.

ამასთან, პირველ კვარტალთან შედარებით, მეოთხე კვარტალში 36,8%-ით გაიზარდა საცხოვრებელი კომპლექსების მშენებლობა.  მულტიფუნქციური მშენებლობების რაოდენობა კი 5,3%-ით შემცირდა. 

კვლევის მიხედვით, თბილისში ყველაზე მჭიდროდ დასახლებული უბანი მთაწმინდაა, სადაც კვადრატულ კილომეტრზე საშუალოდ 8099 პირი ცხოვრობს. მოსახლეობის სიმჭიდროვით მეორე ადგილზეა დიდუბე-ჩუღურეთი, სადაც კვადრატულ კილომეტრზე 5863 პირი მოდის. მესამე ადგილზეა ნაძალადევი, სადაც კვადრატულ კილომეტრზე 5249 პირი ცხოვრობს.

მშენებლობა თბილისის უბნები KPMG ამწეების ინდექსი

წინა სტატია

Three Countries With the Largest Number of Bitcoin Miners
15 დეკემბერი, 2017

შემდეგი სტატია

რომელ სფეროებშია ყველაზე მაღალი ხელფასი - განახლებული სტატისტიკა
15 დეკემბერი, 2017
მსოფლიოს ყველაზე მდიდარი ადამიანები - Forbes-ის 2019 წლის სია
რეიტინგი | მარ, 06, 2019
ბიზნესის პირადი ასისტენტი
ინტერვიუ | მარ, 14, 2019
26 წლის ნინუცა ნანიტაშვილი "გაერომ" ინოვატორ ქალთა შორის დაასახელა
ახალი ამბები ქართულად | მარ, 13, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა