საზღვარგარეთ დასაქმებულთა მიერ საქართველოში გადმორიცხული თანხები 2017 ნოემბერში წინა წლის ნოემბერთან შედარებით 25%-ით (24 მლნ დოლარით) გაიზარდა. ნოემბერში სულ 122 მლნ დოლარი გადმოირიცხა. საქართველოდან საზღვარგარეთ კი 20 მლნ დოლარი გადაირიცხა, რაც 2.8 მლნ დოლარით მეტია წინა წლის ნოემბრის მაჩვენებელზე.
იანვარ-ნოემბერში ფულადი გზავნილები 209 მლნ დოლარით (20%-ით) გაიზარდა და ჯამში 1 241 მლნ დოლარი შეადგინა. ამავე პერიოდში, საქართველოდან საზღვარგარეთ 189 მლნ დოლარი გადაირიცხა.
საზღვარგარეთიდან ფულადი გზავნილების ზრდა მნიშვნელოვანწილად ისრაელიდან, საბერძნეთიდან, რუსეთიდან, იტალიიდან და თურქეთიდან ჩამორიცხვების ზრდამ განაპირობა.
ცხრილი: ქვეყნები, საიდანაც ფულადი გზავნილები ყველაზე მეტად გაიზარდა, მლნ დოლარი
ქვეყანა | ნოემბერი, 2016 | ნოემბერი, 2017 | ზრდა |
ისრაელი | 5.9 | 11.5 | 5.6 |
საბერძნეთი | 8.5 | 12.5 | 4 |
რუსეთის ფედერაცია | 35.4 | 39.1 | 3.7 |
იტალია | 9.9 | 12.9 | 3 |
თურქეთი | 8.1 | 9.5 | 1.4 |
წყარო: ეროვნული ბანკი
დატოვე კომენტარი
