პლანეტის უმდიდრესი ადამიანების ქონება ერთ დღეში $114 მილიარდით შემცირდა

ამერიკის საბირჟო ინდექსების დაცემის პარალელურად, მსოფლიოს 500-მა ყველაზე მდიდარმა ადამიანმა ორშაბათს ჯამში $114 მილიარდი დოლარი დაკარგა.

ყველაზე მეტად უორენ ბაფეტმა იზარალა - ერთ დღეში მისი ქონება $5,1 მილიარდით შემცირდა. Bloomberg Billionaires Index-ის მიხედვით, $3.6 მილიარდით შემცირდა მარკ ცუკერბერგის ქონება.

Dow Jones-ის ინდექსი 5 თებერვალს 4.6%-ით შემცირდა. S&P 500 და Nasdaq კი ერთ დღეში 2%-ით დაეცა.

მიუხედავად 5 მილიარდი დოლარის დაკარგვისა, ბაფეტი Forbes-ის მიხედვით, კვლავ პლანეტის რიგით მესამე ყველაზე მდიდარი ადამიანია, რომლის ქონებაც $84.6 მილიარდს შეადგენს.

$3.2 მილიარდით შეუმცირდა ქონება ჯეფ ბეზოსს. Amazon-ის დამფუძნებლის ქონება ამჯერად $115.7 მილიარდს შეადგენს და ის ბილ გეითსის ქონებას $25 მილიარდით აღემატება.

$2.2 მილიარდით იზარალეს Google-ის თანადამფუძნებლებმა ლარი პეიჯმა და სერგეი ბრინმა. Google-ის დედა კომპანიის Alphabet-ის აქციები ერთ დღეში 5%-ით დაეცა. $2.2 მილიარდით შემცირდა Oracle-ის დამფუძნებლის ლარი ელისონის ქონებაც.

საბირჟო ინდექსების მკვეთრ ვარდნას ამერიკის შეერთებულ შტატებში საგადასახადო რეფორმასთან დაკავშირებული ოპტიმისტური მოლოდინების შემცირებასა და ინფლაციასთან დაკავშირებული ნეგატიური მოლოდინების ზრდას უკავშირებენ.

მილიარდერები უორენ ბაფეტი რეოტინგი

წინა სტატია

JSC Nenskra Hydro Delivers Equipment to the Schools and the Kindergartens in Svaneti
06 თებერვალი, 2018

შემდეგი სტატია

საქართველო კანონის უზენაესობის რეიტინგში ჩამოქვეითდა
06 თებერვალი, 2018
“რედბერიმ” “საქართველოს კაპიტალისგან” 3.2 მილიონი აშშ დოლარის ინვესტიცია მოიზიდა
საქართველო | მაი, 08, 2019
სახელმწიფო კომპანიების რეიტინგი
რეიტინგი | მაი, 21, 2019
თეგეტა მოტორსმა თიბისი კაპიტალის დახმარებით ₾30 მილიონის ობლიგაციების ემისია განახორციელა
საქართველო | მაი, 08, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა