ყაზახურ Forbes-ში საგამოძიებო სამსახური შევიდა

ყაზახური Forbes-ის ალმა-ატას რედაქციაში საგამოძიებო სამსახური შევიდა. გამოცემა საკუთარ ოფიციალურ ვებ-გვერდზე წერს, რომ პოლიცია რედაქციაში 2 აპრილს დილით მივიდა. ოფიციალური უწყებებისგან გამოცემამ საგამოძიებო მუშაობის დაწყების დოკუმენტაცია მოითხოვა, თუმცა ვერ მიიღო. ძიების დაწყების შესახებ ოფიციალური დოკუმენტაცია Forbes-ის იურისტს წარუდგინეს, თუმცა მისი ფოტო-გადაღების საშუალება არ მისცეს. 

ამასთან, გამოცემის თანამშრომლებს პოლიციელებმა ჩამოართვეს მობილური ტელეფონები. 

ყაზახური Forbes-ის მთავარი რედაქტორი ასკარ აუკენოვი საკუთარ ოფიციალურ ფეისბუქზე წერს, რომ რედაქციაში მათთვის უცნობი პირები მოულოდნელად მივიდნენ. 

„პოლიციელებმა ჩემი მოადგილის გარდა, ყველა თანამშრომელს ოთახის  დატოვება მოსთხოვეს. ჩვენ მათ ვთხოვეთ გამოძიების ოფიციალური საბუთის ჩვენება, რომელიც მხოლოდ ორმა პოლიციელმა წარმოგვიდგინა. თუ რის გამო ატარებს საგამოძიებო სამუშაოებებს უწყება უცნობია. 

გარკვეული დროის შემდეგ, პოლიციელებმა ჩემი მოადგილე ოთახიდან გამოიყვანეს და განაცხადეს, რომ ამჯერად მის სახლში მიდიოდნენ, სადაც ასევე საგამოძიებო ქმედება უნდა ჩატარდეს“, - წერს გამოცემის მთავარი რედაქტორი და აღნიშნავს, რომ პოლიციელბმა მის მოადგილეს სამუშაო ნივთები, მათ შორის პირადი კომპიუტერი ჩამოართვეს. 

"ყველაფერი ეს ჩვენთვის მოულოდნელია. ვიმედოვნებთ, რომ ყველაფერი მშვიდობით დასრულდება. ყველას აქვს საკუთარი აზრის გამოთქმის უფლება, რისთვისაც ჩვენ მუდმივად ვმუშაობთ“, - წერს ყაზახური Forbes-ის რედაქტორი. 

წინა სტატია

რეგიონის ყველაზე სწრაფად მზარდი ეკონომიკები
02 აპრილი, 2018

შემდეგი სტატია

The Fastest Growing Economies Of The Region
02 აპრილი, 2018
რომელი ქვეყნის ტურისტები ხარჯავენ ყველაზე მეტს და მოგზაურობენ ყველაზე ხანგრძლივად საქართველოში
ახალი ამბები ქართულად | სექ, 18, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
ქართლის ქარის ელექტროსადგური იყიდება – საწყისი ფასი $14.2 მილიონია
ახალი ამბები ქართულად | სექ, 17, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა