ADB საქართველოს ეკონომიკას აფასებს

აზიის განვითარების ბანკი (ADB) მიმდინარე წელს საქართველოში 4.5%-იან ეკონომიკურ ზრდას ელოდება. წინა პროგნოზთან შედარებით, საფინანსო ინსტიტუტს საქართველოს მშპ-ს ზრდის პროგნოზი არ შეუცვლია. 2019 წლისთვის კი ბანკი საქართველოში 4.7%-იან ზრდას ვარაუდობს.  თავის ანგარიშში ADB აღნიშნავს, რომ 2018 წელს საქართველოში ზრდა 2017 წელზე ნაკლები იქნება.

"საპენსიო და კაპიტალის ბაზრის დაგეგმილი რეფორმები ქვეყანაში წაახალისებს ინვესტიციებსა და დანაზოგებს. პროგნოზის გაუარესების რისკად რჩება ექსპორტის შესაძლო შემცირება, რაც საქართველოს სავაჭრო პარტნიორ ქვეყნებში ეკონომიკების შენელებას უკავშირდება", - ვკითხულობთ ანგარიშში.

ADB აღნიშნავს, რომ საქართველოდან ექსპორტი მაღალი კონცენტრაციით გამოირჩევა. მათ შორის ADB ხაზს უსვამს, რომ საქართველოსთვის მნიშვნელოვანია სერვისის ექსპორტის კუთხით გააქტიურება, მათ შორის, ბიზნეს, საინფორმაციო და კომპიუტერული მიმართულებით. ამისთვის კი როგორც ბანკი წერს, საგადასახადო რეფორმაა საჭირო.

"საქართველომ უნდა იმუშავოს მეტი, რათა მოახდინოს ბიზნესის დაახლოვება ახალ ტექნოლოგიებთან", - აღნიშნავს ADB.

ADB ქართულ საბანკო სისტემასაც აფასებს და აღნიშნავს, რომ კომერციული ბანკები მოგებიანი და კარგად კაპიტალიზებულია. 2017 წელს ბანკების მოგება 5.6%-ით გაიზარდა, ხოლო „უმოქმედო სესხების“ წილი მთლიან პორტფელში 4%-ზე დაბლა რჩება.

მიმდინარე წელს ADB საქართველოში ინფლაციის 3.5%-მდე შემცირებას ელოდება, 2019 წლისთვის კი 3.0%-მდე.

ჩვენ გირჩევთ

ქვეყნები, რომლებიც ჯანდაცვაზე ყველაზე მეტ თანხას ხარჯავენ

საქართველოში ნავთობის მოპოვება მცირდება

ქვეყნები, რომლებიც ჯანდაცვაზე ყველაზე მეტ თანხას ხარჯავენ

ქვეყნები, რომლებიც ჯანდაცვაზე ყველაზე მეტ თანხას ხარჯავენ

აზიის განვითარების ბანკი ADB საქართველოს ეკონომიკური ზრდა საქართველოს ეკონომიკა

წინა სტატია

Consumption of oil product is increasing - largest importing companies
11 აპრილი, 2018

შემდეგი სტატია

ქართული ავიაბაზრის ყველაზე მსხვილი კომპანიები - TOP 10
12 აპრილი, 2018
ყველაზე მსხვილი მიკროსაფინანსო ორგანიზაციები
რეიტინგი | ივლ, 16, 2018
მეორედ მოსვლა მეორედ წასვლისთვის
ფორბს-მოსაზრება | ივლ, 11, 2018
გლობალური ქსელის თბილისელი შვილობილი
Forbes Woman | ივნ, 28, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა