ეკონომიკის ზრდის ტემპით საქართველო მსოფლიოში 44-ე ადგილზეა

საერთაშორისო სავალუტო ფონდმა ქვეყნების ეკონომიკური ზრდის განახლებული მაჩვენებლები გამოაქვეყნა, რომლის მიხედვით, 2017 წელს საქართველოს ეკონომიკა 4.8%-ით გაიზარდა და ამ მაჩვენებლით მსოფლიოში 44-ე ადგილი დაიკავა. საქსტატის მონაცემებით, 2017 წელს საქართველოს ეკონომიკა 5%-ით გაიზარდა.

2018 წელს, სავალუტო ფონდის პროგნოზით საქართველოს ეკონომიკა 4.5%-ით გაიზრდება, 2019-2020 წლებში კი 4.8-5%-ით. 2018 წლის პროგნოზის მიხედვით საქრთველო მსოფლიოში 47-ეა.

2017 წელს ყველაზე მაღალი ეკონომიკური ზრდა ლიბიაში დაფიქსირდა - 71%, რაც ლიბიის სამოქალაქო ომიდან გამოსვლის შედეგია. მეორე ადგილზე ეთიოპიაა 11%-ით, ხოლო მესამეზე განაა 8.4%-ით. მეოთხე ადგილს ირლანდია იკავებს 7.8%-ით.

საქართველოს სამეზობლოში ყველაზე მაღალი ზრდა სომხეთში დაფიქსირდა - 7.5%. ამ მაჩვენებლით სომხეთი მსოფლიოში მე-7 ადგილზეა. 7%-ით გაიზარდა თურქეთის ეკონომიკა (მე-11 ადგილი მსოფლიოში). რუსეთის ეკონომიკა 1.5%-ით, ხოლო აზერბაიჯანის 0.1%-ით.

2017 წელს ყველაზე მეტად - 14%-ით ვენესუელას ეკონომიკა შემცირდა, შემდეგ მოდის იემენი 13.8%-იანი შემცირებით.

სავალუტო ფონდის პროგნოზით, 2018 წელს ყველაზე სწრაფად - 16.4%-ით ლიბიის ეკონომიკა გაიზრდება. შემდეგ კი ეთიოპიის ეკონომიკა 8.5%-ით.

ეკონომიკური ზრდა საერთაშორისო სავალუტო ფონდი მსოფლიო ეკონომიკა საქართველოს ეკონომიკა

წინა სტატია

ალექსი პეტრიაშვილი BMG-ის და FORBES GEORGIA-ს გუნდს უერთდება
18 აპრილი, 2018

შემდეგი სტატია

საქართველო ტურიზმით ვერ გამდიდრდება
19 აპრილი, 2018
ისტორიული ალიანსი
კომპანიები | მაი, 21, 2018
"აჭარა ჯგუფი" თბილისში ახალ სასტუმრო "სტამბას" ხსნის
ახალი ამბები ქართულად | მაი, 01, 2018
რიცხვები პოპულიზმის წინააღმდეგ
ფინანსები | მაი, 09, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა