Facebook-ი ფულში ცურავს

Facebook-ი ფულში ცურავს

კომპანიაში საიმედოდ დაბინავებულმა „თხუნელამ” სილიკონის ხეობისათვის „მძიმე პორნოგრაფიის” ტოლფასი მასალები მოგვაწოდა: კომპანია Facebook-ის დეტალური ფინანსური ანგარიში. ეს მონაცემები უფრო გასაოცარია, ვიდრე ველოდით. „მოგებათა შადრევანმა” სოციალური ქსელის კომპანიას იმდენად დიდი ფულადი რეზერვი შეუქმნა, რომ იგი უკვე ტოლს აღარ უდებს ისეთ ტრადიციულ და ფეხზე მყარად მდგარ კომპანიებს, როგორებიცა 3M, eBay და Yahoo.

ქვემოთ შეგიძლიათ ყურადღებით გაეცნოთ კომპანიის ფინანსურ მაჩვენებლებს სექტემბრის მდგომარეობით. ეს მონაცემები მოგვაწოდა წყარომ, რომელიც კარგად იცნობს Facebook-ის ფინანსებს. ზოგადი სურათი ასეთია: Facebook-ის შემოსავლები იზრდება და, სავარაუდოდ, მიმდინარე წელს კომპანია დაასრულებს 1$მილიარდიანი მოგებით, რაც ორჯერ აღემატება შარშანდელ ანალოგიურ მაჩვენებელს და ოთხჯერ – ორი წლის წინანდელს. Facebook-ის წინა ფინანსურ პერიოდთან დაკავშირებული ინფორმაცია სხვადასხვა არხით ვრცელდებოდა და, როგორც ჩვენ მიერ მოძიებული ბოლო კვარტალის ციფრები ცხადად აჩვენებს, კომპანიის შემოსავლები იზრდება.

გარდა აღნიშნულისა,Facebook-ის მილიარდობით აქტივები, მათ შორის ნაღდი ფულის უზარმაზარი რეზერვი, კომპანიის ის „საომარი ბიუჯეტია” რომელიც შესაძლოა გამოყენებული იყოს სხვა ტექნოლოგიური ფირმების შესაძენად. ეს ნათლად ხსნის იმას, თუ რა მიზნით მოიზიდა Facebook-მა იანვარში Goldman Sachs-ის მეშვეობით $1.5 მილიარდი მიუხედავად იმისა, რომ იმ დროისათვის ის უკვე ძალზე წარმატებული და მომგებიანი კომპანია იყო. მზარდი საბანკო ანგარიში კომპანიას საშუალებას აძლევს, სურვილის შემთხვევაში, კიდევ მრავალი მნიშვნელოვანი გარიგება დადოს.

Facebook-ის $3.5 მლრდ.ნაღდი ფულის კონტექსტუალიზაციისათვის, დავაკვირდეთ ამ სქემას: შესაძლოა კომპანიის „საფულე” მხოლოდ მეათედია ისეთი გიგანტების ფინანსური რესურსებისა, როგორიცაა Apple და Google, მაგრამ წარმოადგენს ისეთ „რეზერვს”, რომლის დაგროვებისათვის სხვა ტექნოლოგიური კომპანიები ათწლეულებს ხარჯავს. მაგალითად, კომპანიებს Adobe-სა და Yahoo-ს ნამდვილად შეშურდება Facebook-ის ფულადი შესაძლებლობებისა.

როგორც ჩანს, Facebook-ის ბალანსი კიდევ უფრო გაიზრდება; ჩვენი წყარო ადასტურებს წინა ანგარიშებში მოწოდებულ ინფორმაციას, რომ Facebook-ი გეგმავს მოიზიდოს $10 მილიარდი $100 მილიარდი ღირებულების აქციათა პირველი საჯარო შეთავაზების შედეგად. აქციათა საჯარო შეთავაზება მომავალ წელსაა მოსალოდნელი.

ის ფაქტი, რომ Facebook-ი დიდ ფულს „აკეთებს”, ალბათ სულაც არ არის გასაკვირი, განსაკუთრებით მისი მომხმარებლისათვის. საშუალო დონის ბრენდებს, განსაკუთრებით ისეთებს, რომელთაც დღეში რამდენჯერმე ვხედავთ, ხშირად დისპორორციულად, გაზვიადებულად აღვიქვამთ, მაგრამ უამრავი მომხარებელი ავტომატურად არ გულიხმობს დიდ ფულად შემოსავლებს. ამ გამოცდილების შესახებ ყველაზე კარგად იცის Myspace-მა,რომელმაც „მხოლოდ რამდენიმე მილიონი დოლარის” მოგება მიიღო მას შემდეგ, რაც მედია-გიგანტმა, News Corp-მა შეიძინა,მიუხედავად იმისა, რომ მეტად პოპულარული ვებ-გვერდი იყო. მოგვიანებით, მთავარი საარეკლამო გარიგების ჩაშლის შედეგად, მისი ღირებულება დრამატულად დაეცა. ამავდროულად, კომპანია Google-მა უზარმაზარი ფინანსური რესურსი ჩადო ახალი სოციალური ქსელის, – Google plus-ის განვითარებაში, თუმცა აღნიშნული პროექტის მომგებიანობაზე დარწმუნებით საუბარი ჯერ კიდევ ნაადრევია.

Facebook-ის კონკურენტთა ზემოთ აღწერილი ძალისხმევა კიდევ უფრო შთამბეჭდავს ხდის შემდეგ ციფრებს.

Facebook-ი ციფრებში: 2011 წლის იანვარი – 2011 წლის სექტემბერი.

აქტივები: $5.6 მილიარდი
ნაღდი ფული და მისი ექვივალენტები: $3.5 მილიარდი
ვალდებულებები:0
სააქციო კაპიტალი: $4.5 მილიარდი.
საოპერაციო ნაღდი ფულის მოძრაობა: $1 მილიარდი
შემოსავალი: $2.5 მილიარდი
საოპერაციო შემოსავალი: $1.2 მილიარდი
წმინდა შემოსავალი: $714 მილიონი

მესაკუთრები: თანამშრომლები 30%, მარკ ცუკერბერგი (Mark Zuckerberg) – 24%, Digital Sky Technologies – 10%, Accel Partners – 8% (ფლობდა საკუთრების 10%-ს მაგრამ აქედან 2%-იანი წილი გაყიდა), დასტინ მოსკოვიცი – (Dustin Moskovitz) 6%, ედუარდო სავერინი (Eduardo Saverin) – 5%, შონ პარკერი (Sean Parker) – 4% , Goldman Sachs-ის კლიენტები 3%, Microsoft – 1.3%, Peter Thiel და/ან Clarium Capital – 3%, Greylock Partners – 1.4%, Meritech Capital Partners – 1.6%, კრის ჰუგსი (Chris Huges) – 1%, Li Ka-shing – 0.75%, Interpublic Group – 0.50%, Godlam Sachs – 0.8%.

 

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *