რა თანხას ხარჯავს თითო ტურისტი საქართველოსა და მსოფლიოს ქვეყნებში

მიუხედავად იმისა, რომ 2012-2017 წლებში საქართველოში ტურისტების რაოდენობა გაორმაგდა, თითო ტურისტის მიერ ქვეყანაში დახარჯული თანხა, მცირედით $ 318.6-დან $364.2-მდე გაიზარდა. ამ მაჩვენებლით, საქართველო ჩამოუვარდება მის მსგავს ეკონომიკებს, სადაც თითო ვიზიტზე ტურისტის მიერ დახარჯული თანხა საშუალოდ $500-800-ს შეადგენს. 

G&T-ის ინფორმაციით, თუკი ჩავთვლით რომ გასულ წელს ტურიზმიდან მიღებული შემოსავლიდან, რომელიც $2.8 მილიარდს შეადგენდა, $2.2 მილიარდი „წმინდა ტურიზმზე“ მოდიოდა (ერთი დღით და ტრანზიტულად შემოსული უცხოელი ვიზიტორების გამოკლებით), გამოვა, რომ თითო ტურისტი ქვეყანაში $632-ს ხარჯავს. 

მსოფლიო ბანკის 2016 წლის მონაცემებით კი, მსოფლიოს სხვადასხვა ქვეყნებში თითო ტურისტის მიერ დახარჯული თანხის მოცულობა საშუალოდ შემდეგია: 

უნგრეთი - $1400

აზერბაიჯანი - $1400

თურქეთი - $900

კვიპროსი - $900

სომხეთი - $750

ჩეხეთი - $750

ლატვია - $700

პოლონეთი - $650

საბერძნეთი - $600 

მიუხედავად იმისა, რომ საქართველოში ტურიზმიდან მიღებული შემოსავალი სხვა ქვეყნებთან შედარებით მაღალი არ არის ქვეყნის მშპ-ში, მისი წილი 15%-ს აღემატება (2016 წელი). მონტენეგროში ეს მაჩვენებელი 21%-ს აღემატება, ხორვატიაში 19%-ს. მშპ-ში ტურიზმის წილით საქართველო უსწრებს მაგალითად საბერძნეთს, სადაც ეს მაჩვენებელი 8%-ზე დაბალია.

ტურიზმი მშპ ტურიზმი საქართველოში

წინა სტატია

G&T საქართველოში ტურისტების რაოდენობის გაორმაგებას ელოდება
02 მაისი, 2018

შემდეგი სტატია

Forbes.ge უკვე Forbes.com-ზე ოფიციალურ გამოცემათა ჩამონათვალშია
02 მაისი, 2018
ისტორიული ალიანსი
კომპანიები | მაი, 21, 2018
"აჭარა ჯგუფი" თბილისში ახალ სასტუმრო "სტამბას" ხსნის
ახალი ამბები ქართულად | მაი, 01, 2018
რიცხვები პოპულიზმის წინააღმდეგ
ფინანსები | მაი, 09, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა