რამდენად ხშირად ზოგავენ და სესხულობენ თანხას საქართველოსა და მსოფლიოში

მსოფლიო ბანკმა 2018 წლის გლობალური ფინანსური ინდექსი (The Global Findex) გამოაქვეყნა. კვლევაში მოცემულია, თუ რამდენად ხშირად სესხულობენ ან ზოგავენ თანხებს ადამიანები მსოფლიოს სხვადასხვა ქვეყნებში. Findex 140 ქვეყნის  150,000-მდე მოსახლის ინფორმაციას აანალიზებს, მათ შორის საქართველოსას. 

კვლევის მიხედვით, მსოფლიოში სხვადასხვა საფინანსო ინსტიტუტებში ანგარიში მოსახლეობის 69 %-ს აქვს გახსნილი. 

ამავე მონაცემებით, საქართველოში ზრდასრული მოსახლეობის (15 წლის და ზევით) 27,4%-ს ბოლო ერთი წლის განმავლობაში საფინანსო ინსტიტუტისგან სესხი აუღია, მათ შორის საკრედიტო ბარათის სახით. 2014 წელს ეს მაჩვენებელი 20.3% იყო. მოსახლეობის 20.7%-ს კი თანხა სესხის სახით მეგობრებისგან ან ოჯახის წევრებისგან აქვს აღებული. 44.9% კი ამბობს, რომ თანხა ბოლო 1 წლის განმავლობაში უსესხია, თუმცა რაიმე სხვა სახით. საქართველოში იმ მოსახლეობის წილი, ვისაც ბოლო ერთ წელში საფინანსო ინსტიტუტისგან სესხი აუღია აღემატება ევროპისა და ცენტრალური აზიის მაჩვენებელს, რომელიც 24.2%-ია. 

რაც შეეხება დანაზოგებს, კვლევის მიხედვით, ბოლო 1 წელში საფინანსო ინსტიტუტში თანხა 15 წელს ზევით მოქალაქეების მხოლოდ 4.6% -მა შეინახა. ევროპასა და ცენტრალურ აზიაში კი ეს მაჩვენებელი 14.4%-ია. აღსანიშნავია, რომ 2014 წელს საქართველოში, ბოლო 12 თვეში, დანაზოგი მოსახლეობის მხოლოდ 1%-ს ჰქონდა გაკეთებული. 

გარდა ამისა, ქართველების 2.5%-მა თანხა დაგროვებით კლუბში ან სხა პირთან გააკეთა, რომელიც მისი ოჯახის წევრი არ არის. სხვა სახით კი თანხა 15%-მა შეინახა.  მოსახლეობის 2.4%-მა კი თანხა ხანდაზმული ასაკისთვის გადაინახა. ყველა ეს მაჩვენებელი მკვეთრად  ჩამოუვარდება მსოფლიოს სხვა ქვეყნების მონაცემებს. ასე მაგალითად, ევროპისა და ცენტრალური აზიის რეგიონში სიბერისთვის თანხა ბოლო 12 თვეში მოსახლეობის 15%-მა გადაინახა, რაიმე სახის დანაზოგი კი 37%-მა გააკეთა. 

თუკი საქართველოს რეგიონის ქვეყნებს შევადარებთ, ვნახავთ, რომ მაგალითად აზერბაიჯანში ბოლო 12 თვის განმავლობაში საფინანსო ინსტიტუტში დანაზოგი მოსახლეობის 4.5%-მა გააკეთა, თურქეთში კი 22.9%-მა. ევროპულ ქვეყნებში ეს მაჩვენებელი მკვეთრად მაღალია და მაგალითად შვედეთში 75.4%-ს შეადგენს, დანიაში კი 63.1%-ს.

 

წინა სტატია

პარფიუმერიის პრინცი მაჩაბელი
03 მაისი, 2018

შემდეგი სტატია

Forbes Georgia. 2018 წლის მაისის ნომერი
04 მაისი, 2018
რომელი ქვეყნის ტურისტები ხარჯავენ ყველაზე მეტს და მოგზაურობენ ყველაზე ხანგრძლივად საქართველოში
ახალი ამბები ქართულად | სექ, 18, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
ქართლის ქარის ელექტროსადგური იყიდება – საწყისი ფასი $14.2 მილიონია
ახალი ამბები ქართულად | სექ, 17, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა