ენერგეტიკაში 11 მილიარდ დოლარზე მეტის პროექტებია დაგეგმილი

მთავრობის მონაცემებით, ამჟამად ლიცენზირებისა და მშენებლობის ეტაპზეა 52 ელექტროსადგურის პროექტი, რომლის სავარაუდო ჯამური დადგმული სიმძლავრე 1,562 მგვტ-ია, ხოლო სავარაუდო საინვესტიციო ღირებულება 2,7 მლრდ დოლარს აღწევს. გარდა ამისა, კვლევის ეტაპზეა 109 პროექტი, რომელთა ჯამური დადგმული სიმძლავრე 3860 მგვტ-ია, ხოლო ჯამური სავარაუდო საინვესტიციო ღირებულება თითქმის 6 მლრდ დოლარს აჭარბებს.

ტექნიკურ-ეკონომიკური კვლევის ეტაპზე იმყოფება: 19 ქარის მემორანდუმი (დადგმული სიმძლავრე − 1219 მგვტ, ინვესტიცია − 1,9 მლრდ აშშ დოლარი) და მზის 15 ობიექტი (დადგმული სიმძლავრე − 543 მგვტ, ინვესტიცია − 539 მლნ აშშ დოლარი). 

ამასთან, 2018 წლის ივნისიდან 1 სექტემბრის ჩათვლით, ექსპლუატაციაში შევიდა ხეორიჰესი (დადგმული სიმძლავრე 1,37 მგვტ), ხოლო უახლოეს პერიოდში ექსპლუატაციაში შევა სკურდიდიჰესი (დადგმული სიმძლავრე 1,33 მგვტ) და კასლეთიჰესი (დადგმული სიმძლავრე 8,1 მგვტ). უახლოეს მომავალში იგეგმება კირნათი ჰესის ექსპლუატაციაში მიღება. 

ცნობისთვის - 2018 წლის მეორე კვარტალში ენერგეტიკაში, სხვა დარგებთან შედარებით, ყველაზე მეტი - 108 მლნ აშშ დოლარის მოცულობის ინვესტიცია განხორციელდა. რაც შეეხება კომპანიებს, რომლებმაც ყველაზე მეტი ინვესტიცია განახორციელეს საანგარიშო პერიოდში, პირველი ათეული შემდეგია: 

  • სს თელასი
  • შპს ჯორჯიან უოთერ ენდ ფაუერი
  • შპს ყაზტრანსგაზ-თბილისი
  • სს ენერგო-პრო ჯორჯია
  • შპს აღმოსავლეთის ენერგოკორპორაცია 
  • სს ხრამჰესი II 
  • სს ხრამჰესი I 
  • შპს აჭარისწყალი ჯორჯია 
  • სს ენერგო-პრო ჯორჯია გენერაცია
  • შპს ჯეენ გეორგია 

საქსტატის მიერ მოწოდებული კომპანიების სია არ არის დალაგებული რეიტინგის მიხედვით, ამასთან საქსტატი არ გასცემს ინფორმაციას, თუ კონკრეტულად რა მოცულობის ინვესტიცია განახორციელა კონკრეტულმა კომპანიამ.

ჩვენ გირჩევთ

რა თანხას ხარჯავენ სხვადასხვა ქვეყნის ტურისტები საქართველოში

მარიხუანას ექსპორტით მსოფლიოში პირველ ადგილზე ბრიტანეთია

რა თანხას ხარჯავენ სხვადასხვა ქვეყნის ტურისტები საქართველოში

რა თანხას ხარჯავენ სხვადასხვა ქვეყნის ტურისტები საქართველოში

წინა სტატია

WALTBAY Ltd may become the owner of 100% of KazTransGas Tbilisi
11 სექტემბერი, 2018

შემდეგი სტატია

Great Steppe Heritage
12 სექტემბერი, 2018
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
ბრიტანულმა სასამართლომ ირაკლი რუხაძე Salford-ის მილიარდიანი პროექტის მითვისებაში ამხილა
საქართველო | ნოე, 07, 2018
მსოფლიოს საუკეთესო უნივერსიტეტები
ახალი ამბები ქართულად | ოქტ, 31, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა