65 მილიარდერი, რომელთა ქონებაც საქართველოს ეკონომიკაზე მეტია

Forbes-ის მილიარდერთა სიის მიხედვით კი დღეს მსოფლიოში 65 მილიარდერია, რომელთა ქონებაც საქართველოს ეკონომიკას, ანუ 15 მლრდ დოლარს აღემატება. 

Forbes-ის 2018 წლის პლანეტის ყველაზე მდიდარი ადამიანების სიაში ჯამში 2208 მილიარდერი შედის, მათი ჯამური ქონება კი $9.1 ტრილიონს აჭარბებს. 400 ყველაზე მდიდარი ამერიკელის ქონება კი $2.9 ტრილიონს აჭარბებს, რაც გაერთიანებული სამეფოს მშპ-ს აღემატება. 

საქართველოს მშპ მიმდინარე ფასებში 2017 წლის მონაცემებით, 38 მლრდ ლარს აღემატება, დოლარში კი 15.1 მილიარდს. Forbes-ის მილიარდერთა სიის მიხედვით კი დღეს მსოფლიოში 65 მილიარდერია, რომელთა ქონებაც საქართველოს ეკონომიკას, ანუ 15 მლრდ დოლარს აღემატება. 

სიაში პირველ ადგილზე, როგორც ცნობილია ჯეფ ბეზოსი დგას, რომლის ქონებაც 5 ნოემბრის მონაცემებით, 137 მილიარდი დოლარია, ანუ  საქართველოს ეკონომიკაზე დაახლოებით, 9-ჯერ მეტი. იმ მილიარდერების სიის ბოლოში, რომელთა ქონებაც საქართველოს ეკონომიკაზე მეტია დონალდ ბრენი დგას, 86 წლის ამერიკელის ქონება $16.4 მილიარდია. 

საქართველოს ქონებას აღემატება H&M ერთ-ერთი დამფუძნებლის სტეფან პერსონის ქონება, რომელიც დღეს Forbes-ს $16.7 მილიარდად აქვს შეფასებული. Facebook დამფუძნებლის მარკ ცუკერბერგის ქონება საქართველოს მშპ-ზე 3.7-ჯერ მეტი გამოდის. 

ბილ გეითსის ქონება საქართველოს მშპ-ზე 6.3-ჯერ მეტია, პლანეტის ნომერ მესამე ყველაზე მდიდარი ადამიანის უორენ ბაფეტის კი 5.6-ჯერ. 

თუკი 2016 წლის მონაცემებს ავიღებთ, ვნახავთ, რომ იმ  პერიოდში პლანეტის ყველაზე მდიდარი ადამიანის ბილ გეითსის ქონება ($75 მილიარდი) მცირედით - 1 მილიარდი დოლარით აღემატებოდა მიანმარის მშპ-ს. ამავე პერიოდში ამანსიო ორტეგა ეთიოპიის მშპ-ს ტოლ ქონებას ფლობდა ($67 მილიარდი), ბაფეტის ქონება ლუქსემბურგის მშპ-ს ტოლი იყო ($60.8 მლრდ), წლევანდელი ლიდრის ჯეფ ბეზოსის ქონება კი 2016 წელს ბელარუსის მშპ-ს უტოლდებოდა ($45.2 მლრდ). 

2018 წლის მონაცემებით, ჯეფ ბეზოსის ქონება უტოლდება უკრაინის მშპ-ს (ქვეყნის მშპ $95 მლრდ), უორენ ბაფეტის კენიის ( ქვეყნის მშპ $75.1 მლრდ), კარლოს სლიმის კი ლიბიას ($54 მლრდ).

ჩვენ გირჩევთ

ბეზოსის უსაზღვროება

გაქცეული მილიარდერი

ბეზოსის უსაზღვროება

ბეზოსის უსაზღვროება

წინა სტატია

Freedom House – Internet Freedom in Georgia
01 ნოემბერი, 2018

შემდეგი სტატია

Forbes Georgia. 2018 წლის ნოემბრის ნომერი
05 ნოემბერი, 2018
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
ბრიტანულმა სასამართლომ ირაკლი რუხაძე Salford-ის მილიარდიანი პროექტის მითვისებაში ამხილა
საქართველო | ნოე, 07, 2018
მსოფლიოს საუკეთესო უნივერსიტეტები
ახალი ამბები ქართულად | ოქტ, 31, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა