ტურიზმის ეროვნული ადმინისტრაციის ინფორმაციით, საქართველოში შემოსული ვიზიტორების რაოდენობა, რომელიც ტურისტებთან ერთად, ტრანზიტს და სხვა კატეგორიებს მოიცავს, 2017 წლის ოქტომბერთან შედარებით, მიმდინარე წლის ოქტომბერში 9%-ით გაიზარდა და ჯამში 719 140 ვიზიტორი შეადგინა.
საქართველოში შემოსულ ტურისტების რაოდენობა 15%-ით გაიზარდა. 2017 წლის ოქტომბერში 353 836 ტურისტი შემოვიდა, ხოლო 2018 წლის ოქტომბერში 407 221.
ოქტომბერში ყველაზე მეტი (139 366) ვიზიტორი რუსეთიდან შემოვიდა. მეორე ადგილზეა აზერბაიჯანი 110 955 ვიზიტორით, ხოლო მესამეზე სომხეთია 107 313 ვიზიტორით.
10 თვის ჯამში, იანვარ-ოქტომბერში ტურისტების რაოდენობა 17.5%-ით, ხოლო ვიზიტორების რაოდენობა 11%-ით გაიზარდა, სულ 7.5 მილიონი ვიზიტორი შემოვიდა. აქედან ტურისტი 4.2 მილიონი იყო.
ცხრილი: 10 ქვეყანა, საიდანაც საქართველოში ოქტომბერში ყველაზე მეტი ვიზიტორი შემოვიდა
ქვეყანა | ოქტომბერი, 2017 | ოქტომბერი, 2018 | ცვლილება |
რუსეთი | 106,776 | 139,366 | 30.5% |
აზერბაიჯანი | 105,980 | 110,955 | 4.7% |
სომხეთი | 110,548 | 107,313 | -2.9% |
თურქეთი | 84,387 | 74,159 | -12.1% |
საქართველო | 38,865 | 39,925 | 2.7% |
ირანი | 20,444 | 19,522 | -4.5% |
ისრაელი | 15,768 | 17,415 | 10.4% |
უკრაინა | 14,362 | 15,875 | 10.5% |
გერმანია | 5,542 | 7,792 | 40.6% |
პოლონეთი | 5,105 | 7,688 | 50.6% |
წყარო: საქართველოს ტურიზმის ეროვნული ადმინისტრაცია
დატოვე კომენტარი
