ქვეყნები ყველაზე ნაკლები ვიზიტორით საქართველოში

ბურნკინა-ფასოდან, ლაოსიდან, სენტ-ლუსიადან და გრენადადან ოქტომბერში საქართველოში მხოლოდ თითო-თითო მოგზაურის ვიზიტი განხორციელდა.

საქართველოში ტურისტების რაოდენობა იზრდება. ოქტომბერში საქართველოში 719,140 საერთაშორისო მოგზაურების ვიზიტი განხორციელდა. ზოგიერთი ქვეყნიდან საქართველოში შემოსული ვიზიტორების რაოდენობა 100-150%-ით მატულობს. ასე მაგალითად რუმინეთიდან ოქტომბერში საქართველოში 811 ვიზიტი განხორციელდა, რაც წინა წლის ანალოგიურ პერიოდს 131%-ით აღემატება. თუმცა არის ქვეყნებიც, საიდანაც საქართველოში ოქტომბერში მხოლოდ 1 ვიზიტორი შემოვიდა.

კერძოდ, ბურკინა-ფასოდან, ლაოსიდან, სენტ-ლუსიადან და გრენადადან ოქტომბერში საქართველოში მხოლოდ თითო-თითო მოგზაურის ვიზიტი განხორციელდა.

200-მდე ქვეყანას შორის არის 25 ისეთიც, საიდანაც ოქტომებრში არცერთი საერთაშორისო მოგზაურის ვიზიტი არ განხორციელებულა.

პროცენტულად, წინა წლის ანალოგიურ პერიოდთან შედარებით, 1300%-ით გაიზარდა ვიზიტების რაოდენობა სამხრეთ აფრიკული ქვეყანა ლესოტოდან, თუმცა ეს მხოლოდ იმიტომ რომ გასული წლის ოქტომბერში ამ ქვეყნიდან საქართველოში მხოლოდ 1 ვიზიტი განხორციელდა, წელს კი 14. ანალოგიურად, 1500%-ით გაიზარდა ვიზიტების რაოდენობა დასავლეთ აფრიკული ქვეყანა სენეგალიდან, საიდანაც გასულ წელს საქართველოში 1 ვიზიტი განხორციელდა, წელს კი 15.

1100%-იანი ზრდა ფიქსირდება კოდ-დიუვერიდან, - საიდანაც ოქტომბერში საქართველოში 12 ვიზიტი განხორციელდა. 1200%-იანი ზრდა გვაქვს რუანდიდან, საიდანაც გასულ თვეს 13 საერთაშორისო მოგზაურის ვიზიტი დაფიქსირდა. მოზამბიკიდან ზრდამ 1600% შეადგინა, ვიზიტების რაოდენობამ კი 17. ასევე, 1500%-იანი ზრდა ფიქსირდება ჰონდურასიდან და პანამადან, 16-16 ვიზიტით.

ოქტომბერში, 2-2 ვიზიტი დაფიქსირდა ფიჯიდან, კამბოჯადან და ნიგერიდან.

რაც შეეხება ქვეყნებს, საიდანაც საერთაშორისო მოგზაურების ვიზიტები ყველაზე მეტად შემცირდა, პროცენტულად სიის სათავეში 100%-იანი შემცირებით კვლავ ის ქვეყნები არიან, საიდანაც ქვეყანაში ერთეული შემოსვლები ფიქსირდება. კერძოდ, ჩადიდან, გვინეა-ბისაუდან, რეუნიონიდან, ტონგადან, ტუვალუდან, სამოადან, თუმცა არცერთი ქვეყნიდან გასული წლის ოქტომბერში 5-ზე მეტი ვიზიტი არ განხორციელებულა.

რაოდენობრივად კი ყველაზე მეტად საქართველოში თურქეთიდან ვიზიტები შემცირდა. კერძოდ, წინა წლის ანალოგიურ პერიოდთან შედარებით, საქართველოში ოქტომებრში თურქეთიდან ვიზიტებმა 10 228-ით იკლო და 74 159 ვიზიტი შეადგინა (-12%). ასევე 12.5%-ით შემცირდა ვიზიტების რაოდენობა გაერთიანებული სამეფოდან. ოქტომბერში საქართველოში ამ ქვეყნიდან ვიზიტებმა 3025 შეადგინა, რაც 431 ვიზიტით შემცირებული მაჩვენებელია. 3235-ით შემცირდა ვიზიტების რაოდენობა სომხეთიდან და 107 311 ვიზიტი შეადგინა (-2.9%). შემცირებაა ირანელ ვიზიტორებშიც, კერძოდ ირანიდან ოქტომებრში 922-ით ნაკლები ვიზიტი განხორცეილდა (-4.5%).

ჩვენ გირჩევთ

Forbes Georgia. 2018 წლის ნოემბრის ნომერი

პრეზიდენტი: ძალაუფლება სხვისი მეშვეობით

Forbes Georgia. 2018 წლის ნოემბრის ნომერი

Forbes Georgia. 2018 წლის ნოემბრის ნომერი

წინა სტატია

ოქტომბერში ტურისტების რაოდენობა 15 პროცენტით გაიზარდა
06 ნოემბერი, 2018

შემდეგი სტატია

65 Billionaires, Whose Net Worth exceeds Georgia’s Economy
05 ნოემბერი, 2018
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
ბრიტანულმა სასამართლომ ირაკლი რუხაძე Salford-ის მილიარდიანი პროექტის მითვისებაში ამხილა
საქართველო | ნოე, 07, 2018
მსოფლიოს საუკეთესო უნივერსიტეტები
ახალი ამბები ქართულად | ოქტ, 31, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა