რატომ გაუარესდა ბიზნესის მოლოდინები და განწყობა

წლის მეოთხე კვარტალში ბიზნესის განწყობის ინდექსი (BCI) გაუარესდა და 29.9 პუნქტამდე შემცირდა, რაც 5.5 პროცენტული პუნქტით ჩამოუვარდება წინა კვარტლის მაჩვენებელს.

ბიზნესის განწყობის ინდექსს ISET-ი BIA-სთან და ICC Georgia-სთან ერთად ადგენს. ბიზნესის განწყობის ინდექსის შემცირება განპირობებულია როგორც მოლოდინების, ისე გასული სამი თვის განმავლობაში საქმიანობის გაუარესებით ბიზნესის სხვადასხვა სექტორში. სხვა სექტორებთან შედარებით, მრეწველობისა და სოფლის მეურნეობის სექტორებმა ყველაზე პესიმისტურად შეაფასეს როგორც მიმდინარე საქმიანობა, ისე მოლოდინები. აღსანიშნავია, რომ საცალო ვაჭრობის სექტორი ყველაზე ოპტიმისტურად არის განწყობილი. 

ბიზნესის ოპტიმიზმის ინდექსი მნიშვნელოვნად არის შემცირებული და 50.1 პუნქტს შეადგენს. მრეწველობის სექტორთან ერთად, საფინანსო და სოფლის მეურნეობის სექტორებმა ყველაზე მნიშვნელოვანი წვლილი შეიტანეს ბიზნეს სექტორის შემცირებულ ოპტიმიზმში. 

დიდი ზომის კომპანიებისათვის საქმიანობის ერთ-ერთ ყველაზე მნიშვნელოვან შემზღუდველ ფაქტორად ფინანსებზე ხელმისაწვდომობა და სამუშაო ძალა რჩება, მცირე და საშუალო ზომის კომპანიების უმეტესობა კი მთავარ ხელისშემშლელ ფაქტორად კვლავ ფინანსებზე ხელმისაწვდომობასა და მოთხოვნის სიმცირეს ასახელებს. 

დაბალი მოთხოვნა და ფინანსებზე ხელმისაწვდომობა კვლავ ბიზნეს საქმიანობის მთავარი შემზღუდველი ფაქტორებია. გამოკითხვაში მონაწილე 131 კომპანიიდან, დიდი ზომის კომპანიების 29%-მა და მცირე და საშუალო ზომის კომპანიების 30%-მა ფინანსებზე ხელმისაწვდომობა დაასახელა ბიზნეს საქმიანობის მთავარ შემზღუდველ ფაქტორად. მაშინ, როცა დიდი ზომის კომპანიების 6%-სა და მცირე და საშუალო ზომის კომპანიების 32%-თვის მოთხოვნის სიმცირე არის საქმიანობის მთავარი შემზღუდველი ფაქტორი.

ჩვენ გირჩევთ

მსოფლიოს ყველაზე მაღალანაზღაურებადი სატელევიზიო წამყვანები

რამდენ ხანს ეყოფა საქართველოს პლანეტის უმდიდრესი ადამიანების ქონება

მსოფლიოს ყველაზე მაღალანაზღაურებადი სატელევიზიო წამყვანები

მსოფლიოს ყველაზე მაღალანაზღაურებადი სატელევიზიო წამყვანები

წინა სტატია

მიზნობრივი მოგებები
04 დეკემბერი, 2018

შემდეგი სტატია

Samsung Galaxy A9 - ფლაგმანური და საშუალო კლასის შერწყმა
04 დეკემბერი, 2018
ივლისში საქართველოში რეკორდული რაოდენობის ტურისტი შემოვიდა
საქართველო | აგვ, 05, 2019
"ფინკა ბანკის" ახალი ბიზნესმოდელი
ინტერვიუ | ივლ, 31, 2019
მსოფლიოს უმსხვილესი ბანკების ათეული
რეიტინგი | აგვ, 06, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა