საბანკო სესხების დოლარიზაციის კოეფიციენტი 56.5 პროცენტია

2018 წლის ნოემბერში, წინა თვესთან (ოქტომბერთან) შედარებით, საქართველოს კომერციული ბანკების მიერ ლარში გაცემული სესხების მოცულობა (ბანკთაშორისი სესხების გარეშე) 82 მლნ ლარით, ხოლო უცხოურ ვალუტაში გაცემული სესხები 187 მლნ დოლარით გაიზარდა.

ბოლო ერთ წელიწადში ლარში გაცემული სესხები 2.1 მილიარდი ლარით არის გაზრდილი, ხოლო უცხოურ ვალუტაში გაცემული სესხები კი 808 მლნ დოლარით. პირველი დეკემბრის მდგომარეობით, ორივე ვალუტაში ერთად 26.3 მილიარდი ლარის სესხია ბანკების მიერ გაცემული. საერთო სესხებში უცხოურ ვალუტაში გაცემული სესხების წილი 56.7%-ზე დაფიქსირდა. ერთი წლის წინ ეს მაჩვენებელი 58.3% იყო.

ნოემბერში ბანკების მიერ გაცემული სამომხმარებლო სესხები 6 მლნ ლარით გაიზარდა. გრძელვადიანი სამომხმარებლო სესხები 24 მლნ ლარით გაიზარდა, ხოლო მოკლევადიანი 18 მლნ ლარით შემცირდა.

მიმდინარე წლის ნოემბერში ბანკების მიერ გაცემული სესხების საშუალო საბაზრო საპროცენტო განაკვეთმა 11.9% შეადგინა. ოქტომბერში აღნიშნული განაკვეთი 11.2% იყო. ბოლო ერთ წელიწადში სესხების საშუალო საპროცენტო განაკვეთი 0.9% პუნქტით არის შემცირებული.

ცალკე აღებულ ლარში გაცემულ სესხებზე საშუალო საპროცენტო განაკვეთი 15.4%-ია. ბოლო ერთ წელიწადში ლარში გაცემულ სესხებზე საპროცენტო განაკვეთი 0.9% პუნქტით შემცირდა. უცხოურ ვალუტაში (რეალურად დოლარში) გაცემულ სესხებზე საშუალო საპროცენტო განაკვეთი 7.5%-ია. ბოლო ერთ წელიწადში დოლარში გაცემულ სესხებზე საპროცენტო განაკვეთი 0.5% პუნქტით შემცირდა.

ჩვენ გირჩევთ

მიკროფინანსირების ფილოსოფია

გამოწვევებთან მებრძოლი

მიკროფინანსირების ფილოსოფია

მიკროფინანსირების ფილოსოფია

წინა სტატია

ნოემბერში ლარში განთავსებული დეპოზიტები 253 მილიონით შემცირდა
26 დეკემბერი, 2018

შემდეგი სტატია

Forbes Georgia. 2019 წლის იანვრის ნომერი
26 დეკემბერი, 2018
უნივერსიტეტების რეიტინგი - 2019 წლის ერთიანი ეროვნული გამოცდების შედეგებით
რეიტინგი | ოქტ, 19, 2019
King David - როდესაც სახლს შემოსავალი მოაქვს
ახალი ამბები ქართულად | ოქტ, 17, 2019
საქართველოს აუდიტორული კომპანიების რეიტინგი
რეიტინგი | ოქტ, 20, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა