ლარის კურსის გაუფასურების გამო სახელმწიფო საგარეო ვალი 1.8 მილიარდი ლარით გაიზარდა

ლარის კურსის მნიშვნელოვნად გაუფასურების გამო, სწრაფად იზრდება ლარში გამოხატული საქართველოს სახელმწიფო საგარეო ვალი. 2014 წლის ოქტომბრის ბოლოს სახელმწიფო საგარეო ვალის მოცულობა დოლარში იყო $4.1 მილიარდი, რაც ლარის იმ დროინდელი გაცვლითი კურსით (1.75) გამოდიოდა 7.1 მილიარდი ლარი.

2014 წლის დეკემბრის ბოლოს სახელმწიფო საგარეო ვალმა შეადგინა 4.2 მილიარდი დოლარი, რაც ლარში უკვე იყო 7.8 მილიარდი.

24 თებერვლის ლარის კურსის (2.20) გათვალისწინებით, საქართველოს სახელმწიფო საგარეო ვალმა 9.2 მილიარდ ლარს მიაღწია. ამ პერიოდში (2014 წლის ოქტომბრიდან დღემდე) ლარის გაუფასურებამ სახელმწიფო საგარეო ვალი დაახლოებით 1.8 მილიარდი ლარით გაზარდა.

როგორც ფიზიკურ და იურიდიულ პირებს უძვირდება დოლარში აღებული სესხების მომსახურება, ასევე ხდება სახელმწიფო ვალის შემთხვევაშიც. სახელმწიფოს შემოსავალი აქვს ლარში, შესაბამისად, საგარეო ვალის მომსახურების მიზნით, მას დოლარის შესყიდვა უწევს.

წინა სტატია

კრისტიან და კარენ ბოროსების არტბუნკერში
24 თებერვალი, 2015

შემდეგი სტატია

აპლიკაცია ბავშვების ტრეკინგისთვის
25 თებერვალი, 2015
QNET’s vision
ინტერვიუ | ოქტ, 02, 2018
Nexia TA - ერთადერთი აუდიტორული კომპანია საქართველოდან, რომელმაც IAB-ის ცერემონიაზე ჯილდო მოიპოვა
საქართველო | ოქტ, 08, 2018
Forbes 400 2018 - ბეზოსი ლიდერია
რეიტინგი | ოქტ, 04, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა