იანვარში საქართველოს ეკონომიკა 0.5%-ით გაიზარდა

იანვარში საქართველოს ეკონომიკა 0.5%-ით გაიზარდა

საქართველოს ეკონომიკური ზრდის ტემპი კვლავ დაბალია. ეკონომიკური ზრდის ტემპმა შემცირება გასული წლის სექტემბრიდან დაიწყო. 2014 წლის ნოემბერში 2013 წლის ნოემბერთან შედარებით ეკონომიკა 0.5%-ით შემცირდა, ხოლო დეკემბერში 1.9%-ით გაიზარდა. 2015 წლის იანვარში კი ეკონომიკა 0.5%-ით გაიზარდა.

აღნიშნული ზრდის ტემპი ძალიან დაბალია 2015 წლისთვის დასახული ეკონომიკური ზრდის (5%) მისაღწევად. ამ ფონზე მთავრობის გადაწყვეტილება ეკონომიკური ზრდის პროგნოზი 2%-მდე შეამციროს, გამართლებულია. თუმცა, 2%-იანი მაჩვენებლის მისაღწევადაც კი მთავრობის მხრიდან აქტიური ღონისძიებების გატარება იქნება საჭირო.

იანვრის დაბალი ეკონომიკური ზრდის ტემპი მნიშვნელოვანწილად განაპირობა ექსპორტის 30%-იანმა შემცირებამ. ეკონომიკის დაბალი ზრდის ტემპი უარყოფითად მოქმედებს ლარის კურსზე, რადგან ეროვნულ ვალუტაზე მოთხოვნა მნიშვნელოვნად არის დამოკიდებული ეკონომიკის განვითრებაზე.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *