შავი ზღვის რეგიონის ყველაზე ძლიერი და სუსტი ვალუტები

ბოლო 5 წლის განმავლობაში, შავი ზღვის ქვეყნებს შორის ყველაზე სუსტი ვალუტა უკრაინული გრივნა იყო. კერძოდ, 2014-2018 წლების პერიოდში გრივნა დოლარის მიმართ 128%-ით, ხოლო ევროს მიმართ 104%-ით გაუფასურდა. PMCG კვლევის მიხედვით, გაუფასურების მასშტაბით მეორე ადგილს თურქული ლირა იკავებს, რომელიც ბოლო წლებში დოლარის მიმართ 122%-ით, ხოლო ევროს მიმართ კი 96%-ით გაუფასურდა. 

შავი ზღვის ქვეყნებს შორის, ევროსა და დოლარის მიმართ ყველაზე ნაკლებად ბულგარული ლევი გაუფასურდა. კერძოდ, მან დოლარის მიმართ საკუთარი ღირებულების 12% დაკარგა, ხოლო ევროს მიმართ კი კურსი არ შეცვლილა, რადგან ლევი ევროს მიმართ მცურავი არაა: EUR 1 = BGN 1.9558 

რაც შეეხება ქართულ ლარს, 2014-2018 წლებში, ლარი დოლარის მიმართ 43%-ით, ხოლო ევროს მიმართ კი 27%-ით გაუფასურდა. 

ამასთან, გასულ წელს შავი ზღვის რეგიონის ყველა ვალუტა (გარდა ლევისა), ევროს მიმართ გაუფასურდა. თურქული ლირა ევროს მიმართ 39%-ით გაუფასურდა. ყველაზე ნაკლებად კი რუმინული ლეი გაუფასურდა, მხოლოდ 2%-ით.

რაც შეეხება დოლარს, 2018 წელს 2017-თან შედარებით, ვალუტების ღირებულება შემდეგნაირად შეიცვალა: 

  • თურქული ლირა - გაუფასურდა 33%-ით 
  • რუსული რუბლი - გაუფასურდა 8%-ით 
  • უკრაინული გრივნა - გაუფასურდა 2%-ით 
  • ქართული ლარი - გაუფასურდა 1%-ით

ბულგარეთის და რუმინეთის ვალუტები კი დოლარის მიმართ 4% და 3%-ით გამყარდა. 

2014-2018 წლებში ქართული ლარი შავი ზღვის ვალუტების მიმართ შემდეგნაირად ივაჭრებოდა: ბულგარული ლევის მიმართ ლარი 27.5%-ით გაუფასურდა, ხოლო რუმინული ლეი მიმართ 21.7%-ით. 

2018 წელს ლარი გამყარდა თურქული ლირას მიმართ (21.8%-ით), ხოლო წლიურად ყველაზე მეტად გაუფასურდა ბულგარული ლევის მიმართ 5.6%-ით. 

ამავე პერიოდში, ლარი გამყარდა რუსული რუბლის მიმართ (5.8%-ით), უკრაინული გრივანს მიმართ (1.1%-ით), რუმინული ლეის მიმართ კი 3.7%-ით გაუფასურდა. 

ჯამში, 2018 წელს ლარის ეფექტური გაცვლითი კურსი შავი ზღვის ქვეყნების ვალუტების მიმართ 1.6%-ით გამყარდა. ამავე პერიოდში, ლარის რეალური გაცვლითი კურსი თურქული ლირას მიმართ 10%-ით გამყარდა, რუსული რუბლის მიმართ კი 3.2%-ით. ლარის რეალური გაცვლითი კურსი გაუფასურდა უკრაინული გრივნას მიმართ 8.8%-ით, ბულგარული ლევის მიმართ 7.9%-ით და რუმინული ლეის მიმართ ასევე 7.9%-ით. 

საქართველოს საგაროე ვაჭრობაში შავი ზღვის ქვეყნებს დიდი წილი უკავიათ. კერძოდ, 2014-2018 წლებში აღნიშნულ ქვეყნებზე მთლიანი სავაჭრო ბრუნვის 36% მოდიოდა. ყველაზე დიდი წილი კი რუსეთსა და თურქეთზე მოდის. შესაბამისად, ლარის ცვლილება აღნიშნული ქვეყნების ვალუტების მიმართ დიდ გავლენას ახდენს როგორც ქვეყნის ექსპორტზე, ასევე იმპორტზეც.

ჩვენ გირჩევთ

სერვისების ინტერნაციონალიზაცია ბიზნესის განვითარებისთვის

თებერვალში უცხოური ვალუტის რეზერვები 93 მილიონი დოლარით გაიზარდა

სერვისების ინტერნაციონალიზაცია ბიზნესის განვითარებისთვის

სერვისების ინტერნაციონალიზაცია ბიზნესის განვითარებისთვის

წინა სტატია

ქართველი სტუდენტების შედეგები საერთაშორისო გამოცდებში
12 მარტი, 2019

შემდეგი სტატია

Karadeniz Bölgesi’ndeki en güçlü ve en zayıf duran para birimler
12 მარტი, 2019
“რედბერიმ” “საქართველოს კაპიტალისგან” 3.2 მილიონი აშშ დოლარის ინვესტიცია მოიზიდა
საქართველო | მაი, 08, 2019
სახელმწიფო კომპანიების რეიტინგი
რეიტინგი | მაი, 21, 2019
თეგეტა მოტორსმა თიბისი კაპიტალის დახმარებით ₾30 მილიონის ობლიგაციების ემისია განახორციელა
საქართველო | მაი, 08, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა