თებერვალში ფიზიკურ პირებზე გაცემული სესხები გაიზარდა

2018 წლის თებერვალში, წინა თვესთან (იანვართან) შედარებით, საქართველოს კომერციული ბანკების მიერ ფიზიკურ პირებზე გაცემული სესხების მოცულობა 79 მლნ ლარით (0.6%-ით) გაიზარდა. ბოლო ერთ წელიწადში კი 1.9 მლნ ლარით, 18%-ით არის გაზრდილი. მიმდინარე წლის 1 მარტის მდგომარეობით 12.4 მილიარდი ლარის სესხია გაცემული ფიზიკურ პირებზე, რაც მთლიანი სესხების 48%-ია.

თებერვალში 7.7 მლნ ლარით გაიზარდა სამომხმარებლო სესხების მოცულობა და 3.8 მილიარდი ლარი შეადგინა. მათ შორის, მოკლევადიანი სამომხმარებლო სესხები 3.3 მლნ ლარით შემცირდა, თუმცა გრძელვადიანი 11 მლნ ლარით გაიზარდა. ცალკე ლარში აღებული სამომხმარებლო სესხები 7 მლნ ლარით გაიზარდა. ბოლო ერთ წელიწადში სამომხმარებლო სესხები 96 მლნ ლარითაა გაზრდილი, თუმცა ზრდა გრძელვადიან სამომხმარებლო სესხებზე მოდის. მოკლევადიანი 381 მლნ ლარითაა შემცირებული.

პირველი მარტის მდგომარეობით, სამომხმარებლო სესხების საშუალო წლიური შეწონილი საპროცენტო განაკვეთი 16.3%-ია. ერთი წლის წინ 16.6% იყო. თებერვალში მოკლევადიან სამომხმარებლო სესხებზე საშუალო წლიური საპროცენტო განაკვეთი 13.4%-დან 12.7%-მდე შემცირდა, ხოლო გრძელვადიანზე 16.4%-დან 16.5%-მდე გაიზარდა.

თებერვალში 140 მლნ ლარით გაიზარდა უძრავი ქონებით უზრუნველყოფილი სესხების მოცულობა და 8.6 მილიარდი ლარი შეადგინა. ბოლო ერთ წელიწადში კი 2.1 მილიარდი ლარითაა გაზრდილი.

ჩვენ გირჩევთ

ოფშორული ზონები, საიდანაც საქართველოში ყველაზე მეტი FDI შემოდის

თებერვალში ბანკების მოგებამ 56 მილიონი ლარი შეადგინა

ოფშორული ზონები, საიდანაც საქართველოში ყველაზე მეტი FDI შემოდის

ოფშორული ზონები, საიდანაც საქართველოში ყველაზე მეტი FDI შემოდის

წინა სტატია

Офшорные страны, из которых в Грузию постуапют самые крупные FDI
25 მარტი, 2019

შემდეგი სტატია

საქართველოს ბანკის ფინანსური მხარდაჭერით ახალი ციფრული პლატფორმა შეიქმნა
26 მარტი, 2019
რომელი ქვეყნის ტურისტები ხარჯავენ ყველაზე მეტს და მოგზაურობენ ყველაზე ხანგრძლივად საქართველოში
ახალი ამბები ქართულად | სექ, 18, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
ქართლის ქარის ელექტროსადგური იყიდება – საწყისი ფასი $14.2 მილიონია
ახალი ამბები ქართულად | სექ, 17, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა