მაისში ბანკების მიერ გაცემული სესხები 966 მილიონი ლარით გაიზარდა

2019 წლის მაისში, წინა თვესთან (აპრილთან) შედარებით, საქართველოს კომერციული ბანკების მიერ ლარში გაცემული სესხების მოცულობა (ბანკთაშორისი სესხების გარეშე) 262 მლნ ლარით, ხოლო უცხოურ ვალუტაში გაცემული სესხები 85 მლნ დოლარით გაიზარდა. ლარის კურსის გაუფასურების გამო, ლარში გამოსახული უცხოური ვალუტით სესხები 704 მლნ ლარით გაიზარდა. პირველი ივნისის მდგომარეობით, ორივე ვალუტაში ერთად 27.9 მილიარდი ლარის სესხია ბანკების მიერ გაცემული. აქედან, 12.1 მილიარდი ლარშია გაცემული.

მაისში ბანკების მიერ გაცემული სამომხმარებლო სესხები 43.5 მლნ ლარით გაიზარდა. ზრდა ძირითადად ლარში გაცემულ გრძელვადიან სესხებზე მოდის.

ბოლო ერთ წელიწადში ლარში გაცემული სესხები 1.7 მილიარდი ლარით არის გაზრდილი, ხოლო უცხოურ ვალუტაში გაცემული სესხები კი 511 მლნ დოლარით. საერთო სესხებში უცხოურ ვალუტაში გაცემული სესხების წილი 56.5%-ზე დაფიქსირდა. ერთი წლის წინ ეს მაჩვენებელი 54.9% იყო.

2019 წლის მაისში, აპრილთან შედარებით, ლარში გაცემულ სესხებზე საშუალო წლიური საბაზრო საპროცენტო განაკვეთი 0.1% პუნქტით გაიზარდა და 14.8% შეადგინა. უხოურ ვალუტაში გაცემულ სესხებზე კი მაისში განაკვეთი არ შეცვლილა და 7.3% შეადგინა.

ჩვენ გირჩევთ

რა პროდუქციით ვაჭრობს საქართველო და რუსეთი

უძრავი ქონების ციფრული შესაძლებლობა

რა პროდუქციით ვაჭრობს საქართველო და რუსეთი

რა პროდუქციით ვაჭრობს საქართველო და რუსეთი

წინა სტატია

მაისში ლარში განთავსებული დეპოზიტები 402 მილიონი ლარით გაიზარდა
26 ივნისი, 2019

შემდეგი სტატია

როდესაც სახლი შენი ბიზნესია
26 ივნისი, 2019
რომელი ქვეყნის ტურისტები ხარჯავენ ყველაზე მეტს და მოგზაურობენ ყველაზე ხანგრძლივად საქართველოში
ახალი ამბები ქართულად | სექ, 18, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
ქართლის ქარის ელექტროსადგური იყიდება – საწყისი ფასი $14.2 მილიონია
ახალი ამბები ქართულად | სექ, 17, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა