გემთმფლობელებს საგადასახადო შეღავათები დაუწესდათ

ეკონომიკისა და მდგრადი განვითარების სამინისტროს და საზღვაო ტრანსპორტის სააგენტოს ინიციატივით გემთმფლობელებს შეღავათები დაუწესდათ. უწყების ცნობით, შეღავათების მიზანი ნავსადგურებში ტვირთბრუნვის ზრდაა. 

სააგენტოს საფასურის წესში შესული ცვლილებების თანახმად იმ გემებს, რომლებიც საქართველოს წყლებში ერთი და იგივე შემოსვლის განმავლობაში რამდენიმე ნავსადგურში შევლენ, ნებისმიერ ნავსადგურში პირველადი შესვლისას მოუწევთ სააგენტოს მიერ გაწეული მომსახურების საფასურის სრული ოდენობით გადახდა, ხოლო მეორე და შემდგომ ნავსადგურში შესვლის შემთხვევაში, საფასური 50%-ით შეუმცირდებათ. 

აქამდე არსებული წესის თანახმად, გემს საქართველოს თითოეულ ნავსადგურში შესვლისას ყოველ ჯერზე სრული საფასური უნდა გადაეხადა, რის გამოც გემთმფლობელები თავს არიდებდნენ ტვირთების სხვადასხვა ნავსადგურში (ბათუმი, ფოთი, ყულევი) დაცლას, რაც ტვირთების მიმღები კომპანიების უკმაყოფილებას იწვევდა. 

წლის პირველ ხუთ თვეში, წინა წლის ანალოგიურ პერიოდთან შედარებით, საქართველოს დერეფანში გადაზიდული ტვირთების რაოდენობა 0.3 მლნ ტონით გაიზარდა და 15 მლნ ტონა შეადგინა. 

ამასთან, გაიზარდა საზღვაო ნავსადგურებსა და საზღვაო ტერმინალებში გადაზიდული ტვირთების მოცულობაც და მან წლის პირველ ხუთ თვეში 6.7 მლნ ტონა შეადგინა, რაც მცირედით – 0.2 მლნ ტონით აღემატება წინა წლის ანალოგიურ მაჩვენებელს. 

საქართველოს პორტებში წლებია ტვირთბრუნვას შემცირების ტენდენცია აქვს. 

პორტების მიერ გადამუშავებული ტვირთების რაოდენობა: 

  • 2018 წელი – 15.1 მლნ ტონა 
  • 2017 წელი – 16.3 მლნ ტონა 
  • 2016 წელი – 17.6 მლნ ტონა 

აზრდილია პორტებში გადამუშავებული კონტეინერების რაოდენობაც და მან წლის პირველ ხუთ თვეში 232 160 TEU ერთეული შეადგინა. გადამუშავებული კონტეინერების რაოდენობა ბოლო რამდენიმე წელია ზრდის დინამიკით ხასიათდება: 

  • 2018 წელი – 453 938 TEU 
  • 2017 წელი – 394 787 TEU 
  • 2016 წელი – 329 805 TEU 

პორტების მიხედვით გადამუშავებული ტვირთების მოცულობა შემდეგია: 

  • ფოთის საზღვაო ნავსადგური – 3.4 მლნ ტონა (ზრდა 0.8 მლნ ტონა) 
  • ყულევის საზღვაო ტერმინალი – 0.6 მლნ ტონა 
  • ბათუმის საზღვაო ნავსადგური – 1.3 მლნ ტონა (შემცირდა 0.2 მლნ ტონით) 
  • სუფსის საზღვაო ნავსადგური – 1.4 მლნ ტონა (შემცირდა 0.4 მლნ ტონით) 

2018 წელს, 2017 წელთან შედარებით, საქართველოში სატრანსპორტო დარგების მიერ გადაზიდული ტვირთების მოცულობა 0.4 მლნ ტონით შემცირდა და 4.1 მლნ ტონა შეადგინა. ბოლო 5 წელში კი საქართველოში ტვირთბრუნვა 5.3 მლნ ტონითაა შემცირებული. 

ეკონომიკის სამინისტროს სტატისტიკის მიხედვით, გასულ წელს გადამუშავებული ტვირთების მოცულობა საქართველოს ოთხივე პორტსა და ნავსადგურში შემცირდა.

ჩვენ გირჩევთ

Bolt-ის ღირებულებამ $1 მილიარდს გადააჭარბა

თბილისში ახალი Radisson 2021 წელს გაიხსნება

Bolt-ის ღირებულებამ $1 მილიარდს გადააჭარბა

Bolt-ის ღირებულებამ $1 მილიარდს გადააჭარბა

წინა სტატია

Batumda gayrimenkulün %36'sı yabancılar tarafından satın alınıyor - Batum ile en çok hangi ülke vatandaşları ilgileniyorlar
10 ივლისი, 2019

შემდეგი სტატია

რუსული სანქციები: რა ღირს თავისუფლება?
11 ივლისი, 2019
$7 მილიარდიანი პროექტი - TANAP-ის მშენებლობა დასრულდა
ახალი ამბები ქართულად | ივლ, 05, 2019
20 ცვლილება დღგ-ით დაბეგვრისას, რომლის ამოქმედებაც 2020 წელს იგეგმება
ახალი ამბები ქართულად | ივლ, 05, 2019
Forbes Georgia in English - Issue #13
Issues | ივნ, 24, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა