აპრილში უცხოეთიდან ფულადი გზავნილები 29.4 მილიონი დოლარით შემცირდა

უცხოეთში დასაქმებულთა მიერ საქართველოში გადმორიცხული თანხები კლებას განაგრძობს. 2015 წლის აპრილში წინა წლის აპრილთან შედარებით ფულადი გზავნილები 29.4 მილიონი დოლარით (24.4%-ით) შემცირდა. იანვარ-აპრილში კი ჯამში 104 მილიონი დოლარით (23.3%-ით) შემცირდა.

უცხოეთში დასაქმებულთა ფულადი გზავნილების კლება ძირითადად რუსეთიდან გადმორიცხვების შემცირებამ განაპირობა. მიმდინარე წლის აპრილში, წინა წლის აპრილთან შედარებით, რუსეთიდან ჩამორიცხვები 25 მილიონი დოლარით შემცირდა. გზავნილების შემცირების მიხედვით მეორე-მესამე ადგილებზეა საბერძნეთი და იტალია, საბერძნეთიდან 4 მილიონი დოლარით შემცირდა, ხოლო იტალიიდან 1.5 მილიონი დოლარით.

ფულადმა გზავნილებმა შემცირება გასული წლის ოქტომბრიდან დაიწყო და ლარის გაუფასურების ერთ-ერთი მიზეზი გახდა. ბოლო 7 თვეში გზავნილები 171 მილიონი დოლარით არის შემცირებული.

წინა სტატია

გსურთ, იყოთ უფრო ბედნიერი?
14 მაისი, 2015

შემდეგი სტატია

ბოლო ერთ წელიწადში სამრეწველო პროდუქციის წარმოება 8.7%-ით გაძვირდა
18 მაისი, 2015
Forbes Georgia: 30 Under 30 - პოლიტიკა და საზოგადოება
რეიტინგი | აგვ, 22, 2018
საქართველოს რკინიგზამ გასული წელი 354.1 მლნ ლარის ზარალით დაასრულა
ახალი ამბები ქართულად | აგვ, 23, 2018
Forbes Georgia: 30 Under 30 - ფინანსები
რეიტინგი | აგვ, 24, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა