რუს მილიარდერს ყოფილი მეუღლე $7 მილიარდს სთხოვს - პოტანინის განქორწინება

რუსი მილიარდერის ვლადიმერ პოტანინის მეუღლე განქორწინების შემდეგ ქმრისგან ქონების მესამედს ითხოვს. მას შემდეგ რაც ნატალია პოტანინამ რუსეთში სასამართლო ვერ მოიგო, გადაწყვიტა საქმე გაერთიანებული სამეფოს სასამართლო სისტემისთვის გადაეცა. ეს კი ბრიტანეთში ყველაზე მსხვილი განქორწინების საქმეა, რომლის განხილვაც კი აქამდე მომხდარა.

ნატალია პოტანინა ყოფილი მეუღლისგან $6.9 მილიარდს ითხოვს, რაც მისი მთლიანი ქონების თითქმის მესამედია. დაახლოებით ასეთივე იყო მისი მოთხოვნა რუსულ სასამართლოშიც, თუმცა მაშინ პოტანინამ დავა წააგო.

Forbes-ს ვლადიმერ პოტანინის ქონება 19.1 მილიარდ დოლარად აქვს შეფასებული და ამ თანხით ის რუსეთში ნომერ მეექვსე ყველაზე მდიდარი ადამიანია. დღეს პოტანინის მფლობელობაშია კომპანია Norilsk Nickel –ის მესამედი და საინვესტიციო კომპანია Interros–ი.

პოტანინების წყვილი ერთმანეთს 2014 წელს დაშორდა, ნატალია პოტანინა კი ამბობს, რომ განქორწინების შემდეგ მას ქონების წილი არ მიუღია, რადგან მისი მეუღლე რუსეთის პრეზიდენტთან დაახლოვებული პირია. 2016 წლიდან ნატალია პოტანინა ბრიტანეთის მოქალაქე გახდა და სწორედ ამიტომ საქმის განხილვას ლონდონის სასამართლოში ითხოვს.

თუკი ნატალია პოტანინა მოთხოვილ თანხას მიიღებს, ეს მსოფლიოში რიგით მეორე ყველაზე მსხვილი განქორწინება იქნება. თუმცა, ის კვლავ ჩამოუვარდება ჯეფ ბეზოსის განქორწინებას, როდესაც პლანეტის ყველაზე მდიდარმა ადამიანმა განაცხადა, რომ ყოფილ მეუღლეს Amazon-ის 25%–ს, დაახლოებით 35 მილიარდი დოლარის ქონებას გადაუფორმებს.

ჩვენ გირჩევთ

მსოფლიოს საუკეთესო ბანკირები - Global Finance-ის 2019 წლის რეიტინგი

ივლისში საქართველოს ექსპორტი 17.4 პროცენტით გაიზარდა

მსოფლიოს საუკეთესო ბანკირები - Global Finance-ის 2019 წლის რეიტინგი

მსოფლიოს საუკეთესო ბანკირები - Global Finance-ის 2019 წლის რეიტინგი

წინა სტატია

ტურიზმის მხარდასაჭერად “რომპეტროლ საქართველომ” 10 უცხოელ ბლოგერს და ჟურნალისტს უმასპინძლა
13 აგვისტო, 2019

შემდეგი სტატია

საქართველოს ბანკმა Global Finance-ის ჯილდო მიიღო
13 აგვისტო, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
ქართული სამშენებლო კომპანია "პრაიმ ბეტონი“ იწყებს ახალი "პეის ტერმინალის" პროექტს ფოთში
ახალი ამბები ქართულად | ოქტ, 10, 2019
"ლოპოტამ" საპარტნიორო ფონდისგან აქციები 5.9 მლნ დოლარად გამოისყიდა
ახალი ამბები ქართულად | სექ, 30, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა