მინისტრი: რ2-ს 28 მილიონის, იმედს 19 მილიონის, მაესტროს კი 8 მილიონზე მეტის დავალიანება აქვს

ფინანსთა მინისტრის ივანე მაჭავარიანის განცხადებით, ბიუჯეტის მიმართ ყველაზე მსხვილი საგადასახადო დავალიანება სამ ტელეკომპანიას – რუსთავი 2–ს, ტელეიმედსა და მაესტროს აქვთ. როგორც მინისტრმა აღნიშნა, რუსთავი 2–ის დავალიანება 28 მილიონი ლარის ფარგლებშია, ტელეიმედის 19 მილიონის, ხოლო მაესტროს კი ბიუჯეტის მიმართ 8 მილიონ ლარზე მეტი მართებს.

მინისტრი ტელეკომპანიებს მოუწოდებს უახლოეს პერიოდში სამინისტროს წარუდგინონ გეგმა ვალის დაფარვის შესახებ.

“რამდენიმე ტელევიზიას საკმაოდ მსხვილი დავალიანება აქვს. ყველაზე მსხვილი დავალიანება იმედს, რუსთავსა და მაესტროს აქვთ. კერძოდ, რუსთავი 2–ის დავალიანება 28 მილიონის ფარგლებშია, იმედის 19 მილიონის, ხოლო მაესტროს კი 8 მილიონზე ცოტა მეტი. ეს არის ბოლო რამდენიმე წლის განმავლობაში დაგროვილი დავალიანება.
ისტორიას თუ გადავხედავთ, საქართველოში ეს მანკიერი პრაქტიკა არსებობდა. ტელეკომპანიები იგროვებდნენ ვალს და შემდეგ ხდებოდა მათი ჩამოწერა. მემგონი ეს საკითხი ერთხელ და სამუდამოდ უნდა გასწორდეს. არის სხვა ტელევიზიებიც, რომლებსაც არ აქვთ დავალიანება და ისინი იხდიან პატიოსნად თანხას. ეს არ არსი სამართლიანი და მგონი არის უხერხულიც. მაგალითად, TV პირველი პატიოსნად იხდიდა ამ წლების განმავლობაში, ასევე კავკასიაც. ერთ საგადასახადო სივრცეში ვართ და რა დააშავეს მათ? ეს დავალიანებები არის საკმაოდ დიდი. ვიცით რომ ერთიანად მათი გადახდა გაჭირდება და ეს ჩვენს ინტერესში არაა.

ფინანსთა სამინისტროს და შემოსავლების სამსახურის სახელით მინდა მოვუწოდო ტელევიზიებს, უახლოეს ვადაში - ერთ ან ორ კვირაში მოვიდნენ და წარმოადგინონ საგადასახადო ტვირთის გადანაწილების, ან ნაწილობრივ შემსუბუქების პროექტი.

პოლიტიკურად ეს ძალიან სენსიტიური სექტორია, თუმცა ესეც არის ბიზნეს სექტორი. ხვალიდანვე და უახლოეს პერიოდშიც უნდა დავინახოთ, რომ გადამხდელი იწყებს გადახდას, ანუ აღარ აგროვებს ვალებს.

აქვე მინდა მზაობა განვაცხადო, რომ ჩვენ მაქსიმალურად კონსტრუქციულები ვიქნებით“, - განაცხადა მინისტრმა.

ჩვენ გირჩევთ

საყიდლები, საკვები, გართობა - რაში ხარჯავენ ყველაზე მეტ ფულს საქართველოში მოგზაურობისას

TBC მმართველობის სტრუქტურას ცვლის - სამეთვალყურეო საბჭოში ცვლილებებია

საყიდლები, საკვები, გართობა - რაში ხარჯავენ ყველაზე მეტ ფულს საქართველოში მოგზაურობისას

საყიდლები, საკვები, გართობა - რაში ხარჯავენ ყველაზე მეტ ფულს საქართველოში მოგზაურობისას

წინა სტატია

გამოწვევები და პერსპექტივები ენერგეტიკის დარგში - სექტორის მიმოხილვა TBC-სგან
14 აგვისტო, 2019

შემდეგი სტატია

ყველაზე ძვირადღირებული ფაკულტეტები და სასწავლო პროგრამები საქართველოში
14 აგვისტო, 2019
რამდენიმეწლიანი ზარალის შემდეგ, "ენგურჰესმა" 2018 წელი 15.6 მილიონიანი მოგებით დაასრულა
ახალი ამბები ქართულად | ოქტ, 01, 2019
ქართული სამშენებლო კომპანია "პრაიმ ბეტონი“ იწყებს ახალი "პეის ტერმინალის" პროექტს ფოთში
ახალი ამბები ქართულად | ოქტ, 10, 2019
"ლოპოტამ" საპარტნიორო ფონდისგან აქციები 5.9 მლნ დოლარად გამოისყიდა
ახალი ამბები ქართულად | სექ, 30, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა