აგვისტოში საქართველოს აეროპორტებში მგზავრთნაკადი 11%-ით შემცირდა

2019 წლის აგვისტოში საქართველოს ხუთივე აეროპორტი ჯამში 583,104 მგზავრს მოემსახურა, რაც 11%-ით ნაკლებია წინა წლის ანალოგიურ პერიოდთან შედარებით. აეროპორტების გაერთიანების ინფორმაციით, იანვრიდან აგვისტომდე საქართველოს აეროპორტები 3,640,823 მგზავრს მოემსახურა, რაც 8 %-ით აღემატება გასული წლის მონაცემებს.

საერთაშორისო აეროპორტებიდან აგვისტოს თვე მგზავრთნაკადის მატებით მხოლოდ ქუთაისის აეროპორტმა დაასრულა, რადგან მის სტატისტიკაზე ყველაზე ნაკლები გავლენა მოახდინა რუსეთთან პირდაპირი ავიამიმოსვლის შეჩერებამ.

"ზრდის იმ დინამიკიდან გამომდინარე, რაც საქართველოს აეროპორტებში ფიქსირდება ბოლო წლების განმავლობაში, მათ შორის 2019 წლის ორ კვარტალში, გვქონდა მოლოდინი, რომ აგვისტოს თვეშიც იქნებოდა ვიზიტორთა უპრეცედენტო ზრდა, თუმცა, 20 ივნისის შემდეგ განვითარებულმა მოვლენებმა საპირისპირო სურათი მოგვცა. წლის პირველ ნახევარში დაფიქსირებული ზრდის დინამიკის გათვალისწინებით, აგვისტოში 749,000 ათასის ნაცვლად, რაც 14%-იან ზრდას წარმოადგენს, საქართველოს აეროპორტები 583,104 ათას მგზავრს მოემსახურა. რაც თავის მხრივ, - 11% კლებას წარმოადგენს. ხაზგასასმელია, რომ კლება, რომელიც აგვისტოში დაფიქსირდა, არის მაქსიმალურად მინიმიზებული საქართველოს მთავრობის იმ ნაბიჯების შედეგად, რომელიც გადაიდგა და ამჟამადაც გრძელდება რუსეთის მიერ ფრენების აკრძალვის გამო დაზარალებული სექტორების დასახმარებლად", – განმარტავენ უწყებაში.

დეტალური სტატისტიკა ასეთია:

თბილისის საერთაშორისო აეროპორტი

2019 წლის აგვისტო - 397,045 მგზავრი (კლება 14%)

2019 წლის იანვარ-აგვისტო - 2,651,918 მგზავრი (ზრდა 3%)

ბათუმის საერთაშორისო აეროპორტი

2019 წლის აგვისტო - 96,474 მგზავრი (კლება 20%)

2019 წლის იანვარ-აგვისტო - 444,310 მგზავრი (ზრდა 5%)

ქუთაისის საერთაშორისო აეროპორტი

2019 წლის აგვისტო - 88,138 მგზავრი (ზრდა 22%)

2019 წლის იანვარ-აგვისტო - 538,234 მგზავრი (ზრდა 41%)

მესტიისა და ამბროლაურის აეროპორტები

2019 წლის იანვარ-აგვისტო - ჯამურად 6,361 მგზავრი (ზრდა 16%)

ჩვენ გირჩევთ

საქართველო ეკონომიკური თავისუფლების ინდექსში დაწინაურდა

საქართველოს ‘სწყურია’ პოლიტიკური ალტერნატივა

საქართველო ეკონომიკური თავისუფლების ინდექსში დაწინაურდა

საქართველო ეკონომიკური თავისუფლების ინდექსში დაწინაურდა

წინა სტატია

საქართველოს სახელმწიფო ვალი 20 მილიარდ ლარს გადასცდა
12 სექტემბერი, 2019

შემდეგი სტატია

რა აწუხებს ქართულ ბიზნესს - კერძო სექტორი საქმიანობის შემაფერხებელ ფაქტორებს ასახელებს
12 სექტემბერი, 2019
საქართველოს სამშენებლო კომპანიების რეიტინგი
რეიტინგი | ნოე, 25, 2019
"თეთრი იალქნების" ქალაქი ბათუმში
ინტერვიუ | ნოე, 21, 2019
რას უნდა ველოდოთ გამკაცრებული მონეტარული პოლიტიკისგან?
ეკონომიკა | ნოე, 12, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა