სექტემბერში ლარში გაცემული სესხები 419 მლნ ლარით გაიზარდა

2019 წლის სექტემბერში, წინა თვესთან (აგვისტოსთან) შედარებით, საქართველოს კომერციული ბანკების მიერ ლარში გაცემული სესხების მოცულობა (ბანკთაშორისი სესხების გარეშე) 419 მლნ ლარით გაიზარდა, ხოლო უცხოურ ვალუტაში გაცემული სესხები 14 მლნ დოლარით შემცირდა. პირველი ოქტომბრის მდგომარეობით, ორივე ვალუტაში ერთად 29.9 მილიარდი ლარის სესხია ბანკების მიერ გაცემული, საიდანაც უცხოურ ვალუტაში გაცემული სესხების წილი 55.1%-ია. ერთი წლის წინ ეს მაჩვენებელი 56% იყო.

სექტემბერში ბანკების მიერ გაცემული სამომხმარებლო სესხები 40 მლნ ლარით გაიზარდა. ზრდა ძირითადად ლარში გაცემულ გრძელვადიან სესხებზე მოდის. ლარში გაცემული გრძელვადიანი სამომხმარებლო სესხები 45 მლნ ლარით გაიზარდა, როცა მოკლევადიანები 8 მლნ ლარით შემცირდა.

ბოლო ერთ წელიწადში ლარში გაცემული სესხები 2.6 მილიარდი ლარით არის გაზრდილი, ხოლო უცხოურ ვალუტაში გაცემული სესხები კი 256 მლნ დოლარით.

2019 წლის სექტემბერში, აგვისტოსთან შედარებით, ლარში გაცემულ სესხებზე წლიური საბაზრო საპროცენტო განაკვეთი 0.2% პუნქტით შემცირდა და 14.1 % შეადგინა, ხოლო უცხოურ ვალუტაში 0.3% პუნქტით გაიზარდა და 7.4%-ია.

ჩვენ გირჩევთ

ლარში განთავსებული ვადიანი დეპოზიტები მცირდება

რომელ ქვეყნებშია ყველაზე მაღალი ინფლაცია

ლარში განთავსებული ვადიანი დეპოზიტები მცირდება

ლარში განთავსებული ვადიანი დეპოზიტები მცირდება

წინა სტატია

რეგულატორის გამოწვევები ენერგეტიკაში
25 ოქტომბერი, 2019

შემდეგი სტატია

საქართველოს რიტეილის სფეროს რეიტინგი
28 ოქტომბერი, 2019
საქართველოს სამშენებლო კომპანიების რეიტინგი
რეიტინგი | ნოე, 25, 2019
"თეთრი იალქნების" ქალაქი ბათუმში
ინტერვიუ | ნოე, 21, 2019
Forbes Georgia. 2019 წლის დეკემბრის ნომერი
Issues | დეკ, 05, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა