პირველი ჩინური ელექტრომანქანა ევროპულ ბაზარზე გამოჩნდება

პირველი ჩინური ელექტროჯიპი ბაზარზე მალე გამოჩნდება, რომლის ღირებულება დაახლოებით 28,000 აშშ დოლარი იქნება. სპეციალისტები ვარაუდობენ, რომ შეთავაზებული კონკურენტული ფასით ჩინური ელექტრომანქანა მომხმარებლებს ისეთ ცნობილ ავტობრენდებს წაართმევს, როგორიც ფოლკსვაგენი და ტესლაა.

შანხაიში დაფუძნებულმა კომპანია Aiways-მა უკვე შეძლო საჭირო ნებართვებისა და სერთიფიკატების მოპოვება ევროპის ბაზრებზე შესასვლელად. კომპანია გაყიდვების დაწყებას მომავალი წლის მეორე კვარტალში აპირებს.

ელექტროჯიპი, სახელწოდებით U5, ჩინეთში 29 ნოემბრიდან გამოჩნდება. კომპანია პარალელურად აქტიური მარკეტინგული კამპანიის დაწყებას აპირებს, რომელიც გულისხმობს მანქანების წარმოდგენას დიდი ქალაქების შოურუმებში და ასევე ონლაინ გაყიდვებს. მანქანის ფასი ადგილობრივი ბაზრისთვის 200,000 – 300,000 იუანით განისაზღვრება (დაახლოებით 29,000 – 43,000 აშშ დოლარი).

ევროპულ ბაზარზე კომპანია ფეხის მოკიდებას ნორვეგიიდან, ნიდერლანდებიდან და გერმანიიდან დაიწყებს. ელექტროჯიპის საბაზისო მოდელის ღირებულება 25,000 ევრო იქნება და ეს მაშინ,  როცა ფოლკსვაგენის პატარა ელექტრომანქანის ღირებულებაც კი 30,000 ევროდან იწყება, ხოლო ტესლას მოდელებზე ფასი 100,000 ევროსაც კი უტოლდება.

წყარო: Bloomberg.

ჩვენ გირჩევთ

უპრეცედენტო ნახტომი

ფილიპ მორისი და Altria შერწყმაზე თავს იკავებენ

უპრეცედენტო ნახტომი

უპრეცედენტო ნახტომი

წინა სტატია

Welcome to Georgia! ტურიზმის ეროვნული დაჯილდოების 2019 წლის ფინალისტები უკვე ცნობილია
08 ნოემბერი, 2019

შემდეგი სტატია

The first Chinese SUV in Europe’s electric-car market
08 ნოემბერი, 2019
უნივერსიტეტების რეიტინგი - 2019 წლის ერთიანი ეროვნული გამოცდების შედეგებით
რეიტინგი | ოქტ, 19, 2019
საქართველოს აუდიტორული კომპანიების რეიტინგი
რეიტინგი | ოქტ, 20, 2019
რატომ წავედი პოლიტიკაში
ფორბს-მოსაზრება | ნოე, 06, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა