რედაქტორები: დაუყოვნებლივ გათავისუფლდეს ვაჟა გაფრინდაშვილი!

საქართველოში გამოცემული ჟურნალების რედაქტორები ექიმ ვაჟა გაფრინდაშვილს სოლიდარობას უცხადებენ და მის დაუყოვნებლივ გათავისუფლებას მოითხოვენ.

2019 წლის 9 ნოემბერს უკანონოდ დაკავებული ქართველი ექიმი ვაჟა გაფრინდაშვილი, ცხინვალის ციხეში, კვლავ ოკუპანტების ტყვეობაში იმყოფება.

ქართველი ექიმი საოკუპაციო ძალების წარმომადგენლებმა ე.წ. საზღვრის უკანონოდ გადაკვეთის ბრალდებით დააკავეს. ვაჟა გაფრინდაშვილმა საზღვარი არ აღიარა, რაც მისი თავისუფლების გარანტი გახდებოდა და სწორედ ამის გამო აღიძრა მის წინააღმდეგ სისხლის სამართლის საქმე.

მას 2-თვიანი წინასწარი პატიმრობა შეუფარდეს. ექიმის გათავისუფლების საქმეში ჩართულია ყველა – როგორც ადგილობრივი, ასევე საერთაშორისო სამსახურები. თუმცა, მიუხედავად მრავალი დაპირებისა, ვაჟა გაფრინდაშვილი ჯერ კიდევ ტყვეობაში რჩება.

მიგვაჩნია, რომ ჩვენი, როგორც საზოგადოებასთან ურთიერთობის სფეროს და ბეჭდური მედიის წარმომადგენლების მოვალეობაა, ვიზრუნოთ საქართველოს მოქალაქეზე და მოვითხოვოთ ექიმ ვაჟა გაფრინდაშვილის უკანონო პატიმრობიდან დახსნა.

ყოველი დღე და საათი მნიშვნელოვანია ასეთ დროს. უკიდურეს სისასტიკედ მიგვაჩნია ექიმის დაპატიმრება, ადამიანის რომელიც მძიმე პაციენტის გადასარჩენად იყო ჩასული.

მოუთმენლად ველით მის ოჯახში დაბრუნებას!

ნინო ჯიბლაძე, მთავარი რედაქტორი, ჟურნალი OK!

გიორგი ისაკაძე, მთავარი რედაქტორი, ჟურნალი Forbes Georgia

გიორგი შარაშიძე, მთავარი რედაქტორი, ჟურნალი Entrepreneur Georgia

ეკა ხოფერია, მთავარი რედაქტორი, ჟურნალი "სითი“

მარიამ სპარსიაშვილი, აღმასრულებელი რედაქტორი, ჟურნალი Forbes Woman Georgia

ქეთა ლომიძე, არტ დირექტორი, ჟურნალი Forbes Woman Georgia

ელენე კვანჭილაშვილი, აღმასრულებელი დირექტორი, ჟურნალი Forbes Georgia

ჩვენ გირჩევთ

ნოემბერში უცხოელ ტურისტთა რაოდენობა 10.3 პროცენტით გაიზარდა

Forbes Georgia. 2019 წლის დეკემბრის ნომერი

ნოემბერში უცხოელ ტურისტთა რაოდენობა 10.3 პროცენტით გაიზარდა

ნოემბერში უცხოელ ტურისტთა რაოდენობა 10.3 პროცენტით გაიზარდა

წინა სტატია

PG&E 13.5 მილიარდ აშშ დოლარს შესთავაზებს ხანძრისგან დაზარალებულებს
05 დეკემბერი, 2019

შემდეგი სტატია

პრეზიდენტის ანტიკვარიატი
06 დეკემბერი, 2019
საქართველოს უმსხვილესი მწარმოებელი კომპანიების რეიტინგი
რეიტინგი | დეკ, 21, 2019
თიბისი ბანკი მომხმარებელს გადახდის ინოვაციურ პროდუქტს - თიბისის სამაჯურს სთავაზობს
საქართველო | დეკ, 25, 2019
ბედნიერი თანამშრომელი - წარმატებული კომპანია
ინტერვიუ | იან, 13, 2020
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა