Forbes-ი The Financial Time-ზე დაყრდნობით იუწყება, რომ Nissan-მა შესაძლოა ავტოკონცერნი Renault დატოვოს.
როგორც გავლენიანი გამოცემა აღნიშნავს, იაპონური Nissan-ი კორპორაცია Renault-ის ალიანსიდან გასვლას გეგმავს და სავარაუდოდ კომპანია Renault-სთან თანამშრომლობის გარეშე გააგრძელებს ბაზარზე პოზიციონირებას.
უნდა აღინიშნოს, რომ გასული წლის დასაწყისში, Renault ასევე გეგმავდა გაერთიანებას Fiat Chrysler Automobile (FCA)-სთან, მაგრამ აღნიშნულ გარიგებას საფრანგეთის მთავრობამ მხარი არ დაუჭირა.
Nissan-Renault -ის ალიანსი 1999 წელს შედგა. ავტოგიგანტის დაშლის შედეგად მხარეები ახალ პარტნიორებს მოძებნიან, მაგრამ როგორ გაუწევენ კონკურენციას Fiat Chrysler Automobiles და Peugeot-ს, ასევე Volkswagen-ს და Ford-ს, ჯერ უცნობია.
აღსანიშნავია, რომ ბოლო დროს განვითარებული მოვლენების გამო Nissan-ს ურთიერთობა გაურთულდა Mitsubishi Motors-თან, რომელიც ასევე კომპანიის პარტნიორია.
ცნობისთვის, Nissan-ს CEO კარლოს გონი ტოკიოდან ლიბანში 31 დეკემბერს გაიქცა. გონი 2018 წლის ნოემბერში, 80 მილიონი დოლარის ოდენობის შემოსავლის დამალვის ბრალდებით დააკავეს. Nissan-მა გონს, დირექტორთა საბჭოს ხელმძღვანელის პოსტი დაატოვებინა. 2019 წლის აპრილში გირაოს სანაცვლოდ გაათავისუფლეს, მაგრამ პასპორტები ჩამოართვეს და გადაადგილების თავისუფლება შეუზღუდეს.
წყარო: Forbes
დატოვე კომენტარი
